小弟會咁睇OT。
老闆喜歡見到員工有平衡生活，但更想見到員工對公司有承擔。承擔哩樣o野係太平o既日子好難睇到，但有冇準時鬆人就好易睇得出。員工加班唔代表對公司有承擔，但直覺上，會自動加班o既人會對公司o既歸屬感會大d，留係公司d時間長d貢獻就多d。當你o既工種o既工作表現唔容易量化o既時候，工作時間就好容易成為量度貢獻度o既指表。
係大公司，好多中層細老闆真係唔多關心點樣改善工作效率，只要部門跟隨到公司定下o既方針，做到定下o既目標，d細老闆真係唔多關心d員工幾點鬆人。如果俾大老闆知道你o既部門d人個個可以早走，即係你o既部門有多餘o既人手，下年o既預算一定凶多吉少。d細老闆為求自保，真係唔希望d員工準時放工。
至於加班令員工容易病、返工冇精神，d老闆就更加認為難言之成理。員工受人二分四，公司又有醫療福利，員工係有責任照顧自己o既身體健康。d老闆個個晚晚做到九點、十點，咪照樣朝朝第一個返到公司，又唔見佢成日攞病假。佢日日個時間表都排到密曬，又會偷食晏o既時間健身，又唔見佢返工冇精神。
反腦思維，有時真係要企係老闆o個邊諗，先至明白點解公司d制度咁硬膠，d老闆咁刻薄。
伸延閱讀
檸啡日記 - OT
天然氣價格上升對內地燃氣股是好事嗎? 【市場先生直播精華重溫】#華潤燃氣 #中國燃氣
20 hours ago
9 comments:
作為一個小小小經理，小女子又咁睇：你肯做OT，小女子當然歡迎；你唔肯做，只要你在指定既時間內完成小女子要你做既野，小女子都無所謂，反正你無productivity，坐係到都只係浪費冷氣，我寧願你去偷下懶，做下gym，食下下午茶...總之你心情好既時候，一定要加碼幫自己係deadline前做好要做既野。
最怕既，反而係個d一日到黑坐係公司，又唔係真係做野，但係就大大聲話自己幾咁忙、幾咁有用、公司幾咁唔deserve佢之餘，又令到班同事怕自己dum唔夠波鍾，結果大家排排坐，但係就一d productivity都無。
o岩呀，好似棉花姐果d working managers係應該deliver個message俾d手足聽，叫d細唔單只work hard，仲要work smart。
同時，最好manage吓d頑固middle management o既expectation。working hour唔等如productivity。over allocation唔等如一定cut budget，可以take more responsibilites。就萛cut budget唔等如cut你o既power。power係建基於reputation，唔係建基於你有幾多budget係手。
初次到貴blog留言, 先感謝你對我的blog的支持(累到你等到頸長真係唔好意思, 只因當時的身子和狀態未好番)。
棉花姐姐同安諾勿斯所言甚是。
尤其係呢句"work hard，仲要work smart"。
等我寫埋講ambiguity advantage之後, 整番篇講OT回應你同檸啡先!
歡迎karen姐姐光臨寒舍！
唔駛唔好意思，身體要緊嗎！玩扑事小，身體事大。
多謝你對我個 post 延伸討論!
安諾勿斯:
我o黎話你知: 之前在我的blog的post, 我寫了comment給你----放心, 係讚你的。
多謝karen姐姐讚賞。小弟只係以過來人身份分享吓自己o既工作經驗姐。
其實我都好想知道…點樣可以work smart!
歡迎郡主大駕光臨！
小弟都係忖摸緊如何work smart。對小弟黎講work smart除了時間管理外，在工作心中不斷思考最為重要。小弟認為工作思考可以歸納為兩點:
一、在自己能力和工作範圍內，不斷改善自己、團隊甚至上司的工作流程同減少失誤，從而增加生產力。
二、詢問或忖摸上司或公司的方向，集中火力爭取在高增值或重要的流程上工作，將低增值或次要的流程簡化或假手於人。
Post a Comment