羅意庭

睇完今日o既海峽盃，見證o左港隊超級巨星 - 羅意庭o既誕生。

啊庭(羅意庭)先係第二節，以不斷o既殺入得分，打開港隊o既困局。再係第四節，一個人既攻且守，係關鍵o既最後幾分鐘，以幾球偷波快攻，追翻落後o既分數。再以兩球致命o既三分球，將比數拉開，奠定港隊o既勝局。

一個Iverson o既化身，以任性o既打法(教練、隊友又愛又恨)，一個人carry成隊港隊，啊庭攞MVP真係實至名歸。

P.S.真係唔好睇小香港波，場波水準之高，可觀性可比美NBA，港隊真係進步o左唔少。

伸延閱讀

最強勇士 - 羅意庭寫真集

麥SIR - 明日之星—羅意庭

麥SIR - 羅意庭的時代來臨了！

麥SIR - 潘志豪和羅意庭

通脹‧罷工‧中產

係經濟走下坡，物價飛升o既時候，各階層o既人都suffer緊，不過通脹對基層o既影響一定係最大。再加埋基層人工不升反降，基層真係幾灰。你睇啲罷工潮一浪接一浪，維他奶、屈臣氏蒸餾水罷工，今日又有雀巢罷工，就知道基層對工資甚至係生活真係有啲聲音。

講真，邊個唔想政府對自己保障多啲，政策公平多啲。政府開倉派糖畀基層，中產有反對聲音，小弟可以理解。小弟唔係話中產唔應該出聲，但係撫心自問，中產係上次o既經濟升浪中得益o左唔少，相對地基層好似攞唔到啲乜o野。中產今次可唔可以捱吓義氣，俾政府政策傾向基層多啲，照顧吓啲基層。

大口兄講o左個小弟好buy o既point，通脹只係導火線，新移民政策同大企業壟斷其實係今日困局o既主因。政府唔對症下藥，反而只開止痛藥拖延病情。 再加上社會o既流動性不足 ，社會o既怨氣一日一日咁積聚落去，小弟諗七一好快又會重演。

伸延閱讀
明報 - 蔡子強﹕香港中產只講「着數」﹖
大口仔筆記 - 誰來為中產出口氣？

好貼心啊！

小民布落 - 親愛的 謝謝妳
小民布落 - 男人的女人【快樂男人】
小民布落 - 男人的女人 - 起床

好書推介 - 系統思維 II : 關係思考

唔知點解，香港教育食古不化，只懂得硬推知識畀啲學生，完全唔著重思考o既訓練。搞到香港人淨係識直線思考(甚至唔思考，人云亦云)，好啲o既會多角度思考，但始終留於單向思維。現代世界環環緊扣，單向思維好多時跟本解決唔到問題，現代人有需要學習一種新o既思考方法去解決現世咁複雜o既問題，系統思維可能就係答案。

《系統思維 II : 關係思考》係系統思維 o既續集，書中說明如何活用系統思維去思考你o既生活，生活中o既每一段關係。作者以系統思維去解構微型貸款，如「自動投案」中的門檻如何做就微型貸款，為何微型貸款不在其他國家發生，微型貸款o既機遇為何萬中無一等。同埋，書中也接觸到其他生活上o既問題，如「蟻穴模式」如何解釋股市，關羽為何需要劉備，愛上與愛情o既分別，「也把右邊面讓人摑」o既大道理等。

此書不溫不火，如果閣下有興趣了解新思考方法，小弟誠意推介。

回覆:「真心相愛」只會係少女愛情小說出現

之前小弟係CM兄篇「我地既步伐唔一致…」留言，有網友睇到小弟o個句『「真心相愛」只會係少女愛情小說出現』有啲意見，認為小弟一竹高打晒所有女仔。佢話「真心相愛」唔應該單只係女仔o既希望，應該係所有人o既想法。

小弟明白呢句係過o左火啲，好似話「真心相愛」係過o左時，想信「真心相愛」o既人有啲天真同傻。講真，小弟都以「真心相愛」為戀愛目標，希望早日搵到一個目標一至o既女仔。至於前文中，小弟一心想講金錢掛帥o既港女心態，港女否定「真心相愛」，相愛與否建基於物質享受，可以為o左物質生活而犧牲感情。o個句真係偏激o左啲，令人有以偏蓋全o既感覺。o個句帶出o既誤會，小弟為此作出道歉。

原文:-
「我地既步伐唔一致…」呢句今時今日多數出自d港女口中。

「我前幾日同d friend係intercon食buffet，你做乜請我去regal做生日。我地o既步伐唔match…」

「我係beijing club happy hour，你仲係東莞ot緊。我地o既步伐唔係太match…」

係今天女權抬頭o既社會下，勢利o既港女一定不比港男少。港女一點都容不下物質生活冇咁豐盛o既男友，一些身份o既差距已成為女方提出分手o既重要理據。「真心相愛」只會係少女愛情小說出現，係港女心目中，「生活質素」先最重要。「即食麵文化」下，港女不再付出，只求收穫。「嫁個有錢人」，係獲得「生活質數」o既最佳捷徑，感情只係交換「安定富裕」o既籌碼。

萛了吧！港女大可繼續做她們的小公主，期望她們的白馬王子早日降臨。男生繼續北上尋找唔介意和男生同甘到苦o既女生。各安天命，相安無事。

伸延閱讀

人在中環 - 我地既步伐唔一致

際遇

CK老闆講起人工同「叻仔」掛勾，又觸動o左小弟「憎人富貴厭人窮」o既神經。

睇o左今期青雲路，講議員助理。講羅健熙自小立志從政，港大社工系畢業後，就跟楊森做議員助理。羅生有理想有抱負，不過議員助理o既待遇可以話真係好差，人工一萬，朝十晚七，成日超時，同冇補水。你可以話做議員助理，為人民服務，人工多少，做得辛苦啲冇計！(陳智遠學o野啦！)最慘係議員助理得唔到大眾o既認同，幫街坊做o野都要受人面色，都好洩氣。

陳智遠同羅健熙，都係政治初哥，都係助理，但係一個人係政治助理搵十三萬，一個係議員助理搵一萬。佢地都可能有一腔熱誠，想為社會做啲o野，但係泊o左唔同o既碼頭，待遇可以有天淵之別。

英雄做時世，時世做英雄。叻唔叻仔要講命，如果你自問條命生得唔正，就要預o左會遇到比人多十倍o既錯折，好灰。

伸延閱讀

人在中環 - 究竟我有幾叻

咁大隻蛤乸隨街跳

啲才俊成日開錯價，唔怪得啲投行股係咁跌。

伸延閱讀
王雅媛Victoria的睡房 - 10804
財華網 - 交易所於今日接獲懷疑錯誤交易申報