魔獸公主 - PpG

小龍係其網誌問宅女去了那裏?

小龍兄一問，小弟立即諗起小弟傾慕多年(講真都係哩一兩年)o既魔獸公主PpG。PpG原名Cassandra，PpG只係佢係Battle.net o既網名。新加波小姐出身，做過全職model，但係喜歡玩網絡遊戲，對Starcraft同Warcraft情有獨鍾。現職e-sports記者，有個響鐺鐺o既男友-Warcraft世界冠軍Grubby，成日同男友周圍飛去比賽同埋採訪。



這個金童玉女o既故事，十分令小弟嚮往。男o既天才橫日，站係世界o既巔峰。女o既美麗動人，溫柔體貼。最令小弟感動係女方放低新加波o既一切 - 家庭、事業、朋友，孤身一人，同自己所愛o既人一切追遂佢o既夢想(記住係男人o既夢想)，何其偉大。

好多時下啲香港女仔唔係自我中心，就性格過強，為o左愛情而肯犧牲o既少之有少。啲女仔會緊張份工多過佢o既男人，出面做o野受o左氣，返到屋企就發係男人到。做o野成日突發性OT，要男人到等幾個鐘。男人病o左叫佢請日假去照顧佢都唔得，話公司啲o野行唔開。或者黐屋企多過黐男人，屋企人o既事好緊張，自己男人o既事闊佬懶理。過時過節(包元旦同聖誕，甚至七一)一定要返屋企，有假期會同屋企人去旅行，怕屋企人唔鍾意。搵地方住都要近啲屋企，最好同佢屋企人一齊住。或者黐啲好姊妹，成日同啲好姊妹出相入對，迫啲男人去佢啲姊妹聚會。攞啲男友們互相比較，對男人挑挑剔剔。要男人做阿四，幫啲好姊妹忙。啲女仔會擺事業、家庭、或者朋友係第一位，男人，永遠係第二，甚至係三四五六。

小弟曾經提過一個以男人成就為榮、為o左成就男人而犧牲o既女人，係小弟心目中o既終極理想伴侶。一個又美麗又賢淑o既女人 - PpG，你點唔會為佢心動呀！

「最愛和你四處走，攰了，抱抱，又走走。」

伸延閱讀
Cassandra - *Voices Of My Heart*
MYM]Cassandra - The Love Story
香港d Corolla可以係邊到搵?