啱啱睇完ck老闆o既新post，即刻聯想到黃sir今日講「娶妻求淑婦」。講真，時代真係變o左，香港d女仔真係獨立o左，淑婦o既定義都唔同o左。上一代做女人會以家庭為重，以相夫教子為己任，今日女人照顧家庭之餘，會係事業上尋求滿足感。
不過，今日職場o既要求特別高，家庭事業兩難全，好多時要在職婦女係兩者中作出取捨。有d在職婦女，做事比男人還併搏。因為工作上o既需要，時常勁超時又或者勁出差，照顧家庭o既責任就放o左係另一半o既身上。父兼母職又或者交託家庭庸工照顧，咁樣對兒女o既成長同家庭和諧都有負面o既影響。
又有d在職婦女係工作上遇到不如意事，唔識得處理情緒，會有情緒困擾。將情緒帶返屋企，寄望身邊人可以開解支持，可以幫佢排難解紛，甚至可以做佢o既出氣袋。d長唔大o既女人，用d小朋友邏輯，鍾意搵自己另一半黎出氣，黎prove另一半有幾關懷體諒，有幾大包容，有幾愛自己。
男女平等，唔可以話男人可以只顧事業，不理家庭；唔可以話男人可以亂發脾氣，要全家就曬你。但係，你可以話小弟自私又好，大男人又好，男人都想有一個以家庭為重、以老公成就為榮、肯負出、肯成就老公成功o既老婆。係男人心目中，一個賢淑、體諒包容自己o既「傳統賢妻良母」始終係男人o既終極理想伴侶。
香港地傳統女仔真係買少見少，真係想問黃sir一句，香港d Corolla可以係邊到搵?
伸延閱讀
人在中環 - 縱壞老婆
CEO實戰手記 - Ferrari VS Corolla
天然氣價格上升對內地燃氣股是好事嗎? 【市場先生直播精華重溫】#華潤燃氣 #中國燃氣
16 hours ago
6 comments:
安兄：
比心機慢慢搵啦，實搵到既。（不過你係中環就難搵到lu）
小女子都曾經講過,男女平等,其實就係將一樣本來好平等既野(男主外,女主內,大家為家庭付出),變得好唔平等.香港人普遍上未能接受男主內,女主外呢個概念,但係又普遍認同公一份婆一份,變成男人要同女人爭,係外既壓力越來越大;而女人又因為主流社會認為女人不能忽略咗家庭,咁要內外兼顧,又增加咗壓力.
男人的確係面對壓力既時候,比女人好,但係女人要出黎同男人比,如你所講,家庭事業兩難全,其實都好辛苦.好難話邊個啱邊個錯,有d女人的而且確,係出面受氣接受唔到,搵自己另一半黎出氣,鐘意自己搵自己洗,又鐘意洗埋男人個份,都幾自私.同樣地,有d男人一樣唔挣氣,混混噩噩過一生,又或者以為自己搵錢多d屋企人就要受佢氣,指意令一半去做晒所有既家務,自己就乜都唔洗理,唔洗付出.所以包容,講就好似好容易,但係做其實都好難.
喂,近期有浦搵blogger出黎浦癮,上星期搵咗一個,幾時到你得閑去老蘭吹吓水?總之你唔係係ICBC/CBT做就無問題啦,哈哈.
>>總之你唔係係ICBC/CBT做就無問題啦
哦!明白!
>>香港地傳統女仔真係買少見少，真係想問黃sir一句，香港d Corolla可以係邊到搵?
問題係, 有些女仔被人當係Ferrari或者Rose Royals(其實真係Corolla); 又或者工作關係, 那些Corolla就被埋下。
>>男人都想有一個以家庭為重、以老公成就為榮、肯付出、肯成就老公成功o既老婆。
問題係有些男人想佢老婆唔好拋頭露面返工(當然有自願亦有不自願), 又或者做老婆的只顧工作的, 是但一方失衡, 無好好溝通加上適當妥協, 只會造成更多家庭問題。
CM兄:難，真係難。撞親啲合眼緣傾得埋o既corolla，隻無名指都有隻平實得黎又有啲不平凡o既小玩意。corolla…一切隨緣啦。
棉花姐:男女平等，小弟好buy o架。「公一份，婆一份」又好，「男主外，女主內」又好，小弟都好支持。小弟都明白女人家庭事業兩兼顧係好辛苦。如果真係兼顧唔到，予其老婆做得咁辛苦，又可能破壞家庭和諧。小弟諗倒不如另願家庭收入少啲，老婆可以搵個份冇咁辛苦o既工，甚至做全職主婦。
好呀！幾時都得。小弟都係o個頭返工喎。落開pc，可能會撞到小弟。
Karen姐:唔排除有啲女仔係Ferrari o既外表，Corolla o既內心。不過，大食開o既Ferrario一旦要做到好似Corolla咁慳油，小弟驚佢可能行唔郁。
乜係呢個年代仲有男人唔俾女人「拋頭露面」o架咩?「拋頭露面」正常過唔正常，成日哩係屋企先有問題。男女是旦一方只顧工作，真係會做成唔少家庭問題，最好都係take 個balance啦。
p.s. 冇後生仔(<50)鍾意Rose Royals o架。有錢佬(>60)會有部Rose Royals，但問佢地鍾意咩車，佢一定話係啲跑車。
忽然諗起land rover添...
點解係land rover? 呢層我都唔知喎...
Landrover…有趣、有趣。
Post a Comment