每次聽都好感動。唔理有幾多批抨，好聽o既歌，就係好聽o既歌。
舊年好食好多。
6 days ago
Wednesday, August 27, 2008
Sunday, August 24, 2008
Tuesday, August 19, 2008
Sunday, August 17, 2008
唔使灰…因為成行都係咁。
鐵鎚兄話有個friend好灰，對老闆講心，但老闆唔同佢講金講心，做死人但人工少少。
其實，鐵鎚兄個friend唔係個別例子，小弟都識有好多IT人(包括小弟本人)，為公司默默耕耘，又冇乜回報。講真成行o既人工都係嘛嘛，去到IT manager個位，人工都係得個35k。就萛老闆同你講金，你都唔可以expect too much。
睇翻06年個stat，一個無經驗programmer - 14k，二至四年 - 16k，五年或以上 - 18k。有數得計，複合人工增長得5%。一年o既經驗累積，只係值5%，好明顯啲老闆跟本唔重視經驗。唔重視經驗，咁仲乜要keep人。走一個，求其搵翻個人咪得，仲可以平啲添。
人工最終都係講供求，香港地個大環境係咁，想有多啲「重視」，都係出去外面走一轉，或者索性轉行好過。
伸延閱讀
生銹的爛鐵鎚 - 心灰意冷
JobsDB - Job Seekser Salary Report 2006
JobsDB - Job Seekser Salary Report 2007
JobsDB - Job Seekser Salary Report 2008
其實，鐵鎚兄個friend唔係個別例子，小弟都識有好多IT人(包括小弟本人)，為公司默默耕耘，又冇乜回報。講真成行o既人工都係嘛嘛，去到IT manager個位，人工都係得個35k。就萛老闆同你講金，你都唔可以expect too much。
睇翻06年個stat，一個無經驗programmer - 14k，二至四年 - 16k，五年或以上 - 18k。有數得計，複合人工增長得5%。一年o既經驗累積，只係值5%，好明顯啲老闆跟本唔重視經驗。唔重視經驗，咁仲乜要keep人。走一個，求其搵翻個人咪得，仲可以平啲添。
人工最終都係講供求，香港地個大環境係咁，想有多啲「重視」，都係出去外面走一轉，或者索性轉行好過。
伸延閱讀
生銹的爛鐵鎚 - 心灰意冷
JobsDB - Job Seekser Salary Report 2006
JobsDB - Job Seekser Salary Report 2007
JobsDB - Job Seekser Salary Report 2008
Sunday, August 10, 2008
識走位
出來做o野，識走位真係好緊要。識走位o既人做o野輕鬆得來又做得出好成績，老闆都好buy佢。但係所謂「能力越大，責任越大」，如果老闆睇佢臺戲，佢冇可能會輕鬆、得閑，究竟識走位o既人點可以做到咁?真係耐人尋味。
話說有個senior，幾識走位。每日返工nine to five，又吹得，technical又得，老闆都幾睇重佢，但係佢對新人o既態度，就真係不敢恭維。老闆叫佢coach個fresh grad，照常理會有個development plan，幫個fresh grad搵啲task做，或者arrange啲training畀個fresh grad咁。薯不知，過o左幾個禮拜，乜都冇，唔好話development plan或者coach佢啲乜o野，甚至連計都唔見佢地傾多句，個fresh grad就咁白坐o左幾個禮拜。之後個fresh grad可能悶得滯冇o野學，probation未過就quit o左。其實個fresh grad都幾smart，就咁走o左真係幾可惜。
唔好話新人，佢對其他junior o既態度，都係嘛嘛。junior有事搵佢幫手或者有o野唔識搵佢問，佢好似黑洞咁，永遠冇反應，永遠叫唔郁。叫佢幫手，就黑哂口面，又話一又話七，話做緊佢個project啲o野，好忙。唔好玩啦，係人都知佢個project都未開工，忙乜Q o者，無非係想耍啲junior。就萛肯幫，永遠講到自己好偉大，放低哂手頭上o既o野幫你。不過，佢成日五時花六時變，佢可以幫幫吓心情唔好，轉個頭可以話老闆有urgent o野要佢跟，pat低你唔理。
最叻係係老闆面前認叻，老闆要人接啲豬頭骨，佢二話不說接o左返來，拍哂心口話會搞掂。點知佢可以捩手昆啲細執佢o既屎，跟住又唔跟唔理。啲細搞唔掂，老闆問起，又擺啲細上台。
有次同事請飲，又咁唔好彩，撞正有production issue，照理佢係project in-charge，佢要返公司救火。佢可以夠胆死叫啲junior唔好來飲住，返office救火先，而自己繼續係酒樓同老闆打牌。
聽聞老闆已經推薦佢升，等緊大老闆o既approval。識走位o既背後，真係smart，定係夠厚黑?小弟仲未諗到答案。
話說有個senior，幾識走位。每日返工nine to five，又吹得，technical又得，老闆都幾睇重佢，但係佢對新人o既態度，就真係不敢恭維。老闆叫佢coach個fresh grad，照常理會有個development plan，幫個fresh grad搵啲task做，或者arrange啲training畀個fresh grad咁。薯不知，過o左幾個禮拜，乜都冇，唔好話development plan或者coach佢啲乜o野，甚至連計都唔見佢地傾多句，個fresh grad就咁白坐o左幾個禮拜。之後個fresh grad可能悶得滯冇o野學，probation未過就quit o左。其實個fresh grad都幾smart，就咁走o左真係幾可惜。
唔好話新人，佢對其他junior o既態度，都係嘛嘛。junior有事搵佢幫手或者有o野唔識搵佢問，佢好似黑洞咁，永遠冇反應，永遠叫唔郁。叫佢幫手，就黑哂口面，又話一又話七，話做緊佢個project啲o野，好忙。唔好玩啦，係人都知佢個project都未開工，忙乜Q o者，無非係想耍啲junior。就萛肯幫，永遠講到自己好偉大，放低哂手頭上o既o野幫你。不過，佢成日五時花六時變，佢可以幫幫吓心情唔好，轉個頭可以話老闆有urgent o野要佢跟，pat低你唔理。
最叻係係老闆面前認叻，老闆要人接啲豬頭骨，佢二話不說接o左返來，拍哂心口話會搞掂。點知佢可以捩手昆啲細執佢o既屎，跟住又唔跟唔理。啲細搞唔掂，老闆問起，又擺啲細上台。
有次同事請飲，又咁唔好彩，撞正有production issue，照理佢係project in-charge，佢要返公司救火。佢可以夠胆死叫啲junior唔好來飲住，返office救火先，而自己繼續係酒樓同老闆打牌。
聽聞老闆已經推薦佢升，等緊大老闆o既approval。識走位o既背後，真係smart，定係夠厚黑?小弟仲未諗到答案。
透支
出來做o野，同事間緊係互相幫助，有時你幫吓我，有時我幫吓你咁。不過，一個如假包換o既老妖怪可以好巧妙係咁抽水，自己又唔使點付出。
話說有個手袋黨「德高望重」o既無兵司令老妖怪，已經係三朝元老。佢同啲高層識於微時，同聲同氣，成日去啲手袋黨飯局。可能有高層照，佢先可以去到今日「迄立不倒」，而佢啲老闆就好似走馬燈係咁轉。佢份人好鬼滕雞，成日要人follow啲好多多餘o既policy同standard，所以大家都唔係好鍾意同佢合作。
老妖怪in-charge個project有鑊氣，個妖怪見大難將至，當然就發哂茅去等搲人幫手。不過，咁唔好彩個個project都如火如荼，邊有人得閑幫佢。老妖怪真係老妖怪，畀著其他人可能已經投哂降，佢可以唔理人地忙到PK，照lur人地幫手，off sick病到五顏六色o既都照lur。人地唔理佢，lur唔到就凶，凶唔到就扮死狗。lur到你心煩，lur到你發蚊増，最後lur到采佢先心息。
講真個project都幾high-profile，鑊o左真係死得人。佢又寫包單，話只要翕頭幫手，就會幫你搞埋啲細節，唔使上身。有個比較抵得諗o既同事見佢扮到咁可憐，咪動o左惻隱之心去幫手。點知個妖怪捩手就瀉哂啲o野畀人，仲要粒聲都唔出，息埋電話同老公去馬爾代夫濳水(哈哈，如假包換o既「玩濳水」)，要人去執佢啲蘇州屎，真係好鬼賤。聽講話今次已經唔係第一次，次次都要人執屎，一而再，再而三，將自己o既誠信透支。
最抵死係，有一日，o個個同事應承幫其他同事手o既時候，佢過來搭訕，扮可愛咁問點解今次應承得咁爽，上次又冇咁爽o既？厚面皮得佢！乜佢唔知自己誠信破哂產，有人肯幫佢咪執到。抽水抽到咁入型入格，真係至高境界。
話說有個手袋黨「德高望重」o既無兵司令老妖怪，已經係三朝元老。佢同啲高層識於微時，同聲同氣，成日去啲手袋黨飯局。可能有高層照，佢先可以去到今日「迄立不倒」，而佢啲老闆就好似走馬燈係咁轉。佢份人好鬼滕雞，成日要人follow啲好多多餘o既policy同standard，所以大家都唔係好鍾意同佢合作。
老妖怪in-charge個project有鑊氣，個妖怪見大難將至，當然就發哂茅去等搲人幫手。不過，咁唔好彩個個project都如火如荼，邊有人得閑幫佢。老妖怪真係老妖怪，畀著其他人可能已經投哂降，佢可以唔理人地忙到PK，照lur人地幫手，off sick病到五顏六色o既都照lur。人地唔理佢，lur唔到就凶，凶唔到就扮死狗。lur到你心煩，lur到你發蚊増，最後lur到采佢先心息。
講真個project都幾high-profile，鑊o左真係死得人。佢又寫包單，話只要翕頭幫手，就會幫你搞埋啲細節，唔使上身。有個比較抵得諗o既同事見佢扮到咁可憐，咪動o左惻隱之心去幫手。點知個妖怪捩手就瀉哂啲o野畀人，仲要粒聲都唔出，息埋電話同老公去馬爾代夫濳水(哈哈，如假包換o既「玩濳水」)，要人去執佢啲蘇州屎，真係好鬼賤。聽講話今次已經唔係第一次，次次都要人執屎，一而再，再而三，將自己o既誠信透支。
最抵死係，有一日，o個個同事應承幫其他同事手o既時候，佢過來搭訕，扮可愛咁問點解今次應承得咁爽，上次又冇咁爽o既？厚面皮得佢！乜佢唔知自己誠信破哂產，有人肯幫佢咪執到。抽水抽到咁入型入格，真係至高境界。
Sunday, August 3, 2008
數字遊戲
審慎理財
壹周刊介紹o左個億萬散户，每日過一啲好簡樸o既生活，但佢o既股息、收租收入可以媲美一個上市公司o既CEO。SARS之後，香港地多o左啲對錢財好執著o既中產。佢地對物質要求好低，但係管有大量o既財富。冇乜嗜好，話題離不開投資、理財，以此為樂。
小弟唔係鼓吹乜o野消費主義，洗腳唔抺腳，當然唔啱。好似美國佬洗腳唔抺腳，唔係點會搞出呢個次按o既大頭佛。小弟又唔係批評人地o既生活取態，對物質o既要求人人唔同，點洗錢法好個人o既。但過份審慎理財，應洗o既唔洗，就失去金錢應有o既作用，金錢只淪為銀行户口上一個數字而已。 隨著金錢o既不斷積聚，有冇諗過橫掂啲錢都洗唔哂，將多餘o既錢用來幫助有需要o既人。定期捐出一部份o既收入，可以幫到人，又可以增加金錢o既流動性，帶動經濟。幫到人，又唔影響自己，何樂而不為。
唔係咁都要貪嘛?
有啲極端o既o既例子，本身已經好有錢，但係會不段鑽空子，希望可以係社會抓多啲。好似前排o個單藥材鋪老闆呃綜援咁，o個個人有樓有錢，有三個物業收租，又有八百萬資產，但係照住公屋，攞綜援。綜援係一個社會o既安全網，用來幫助一啲生活暫時有問題o既家庭。為o左一己私利，濫用綜援，令到真正需要幫助o既人得唔到有o既幫助，o個啲人良心點過意得去?
取諸社會，用諸社會
講開又講，前文講有部份中產係近年股票、樓宇升浪中獲利不少，而基層係資本増值o既遊戲中好似係大輸家。而今經濟逆轉、通漲猛如虎，基層生活苦不堪言。有博客揚言佢賺o既錢只係幫社會暫時保管，佢情操之高，小弟真係萬分佩服。小弟諗而家基層水心火熱，身為中產o既我地係唔係時候盡啲社會責任，回饋社會呢?
伸延閱讀
壹周刊 - 隱世油王 一億身家住美孚
生銹的爛鐵鎚 - 陽光少年與陰天少年
文建會兒童文化館 - 一片披薩一塊錢
投資日記 - 今期壹周
壹周刊介紹o左個億萬散户，每日過一啲好簡樸o既生活，但佢o既股息、收租收入可以媲美一個上市公司o既CEO。SARS之後，香港地多o左啲對錢財好執著o既中產。佢地對物質要求好低，但係管有大量o既財富。冇乜嗜好，話題離不開投資、理財，以此為樂。
小弟唔係鼓吹乜o野消費主義，洗腳唔抺腳，當然唔啱。好似美國佬洗腳唔抺腳，唔係點會搞出呢個次按o既大頭佛。小弟又唔係批評人地o既生活取態，對物質o既要求人人唔同，點洗錢法好個人o既。但過份審慎理財，應洗o既唔洗，就失去金錢應有o既作用，金錢只淪為銀行户口上一個數字而已。 隨著金錢o既不斷積聚，有冇諗過橫掂啲錢都洗唔哂，將多餘o既錢用來幫助有需要o既人。定期捐出一部份o既收入，可以幫到人，又可以增加金錢o既流動性，帶動經濟。幫到人，又唔影響自己，何樂而不為。
唔係咁都要貪嘛?
有啲極端o既o既例子，本身已經好有錢，但係會不段鑽空子，希望可以係社會抓多啲。好似前排o個單藥材鋪老闆呃綜援咁，o個個人有樓有錢，有三個物業收租，又有八百萬資產，但係照住公屋，攞綜援。綜援係一個社會o既安全網，用來幫助一啲生活暫時有問題o既家庭。為o左一己私利，濫用綜援，令到真正需要幫助o既人得唔到有o既幫助，o個啲人良心點過意得去?
取諸社會，用諸社會
講開又講，前文講有部份中產係近年股票、樓宇升浪中獲利不少，而基層係資本増值o既遊戲中好似係大輸家。而今經濟逆轉、通漲猛如虎，基層生活苦不堪言。有博客揚言佢賺o既錢只係幫社會暫時保管，佢情操之高，小弟真係萬分佩服。小弟諗而家基層水心火熱，身為中產o既我地係唔係時候盡啲社會責任，回饋社會呢?
伸延閱讀
壹周刊 - 隱世油王 一億身家住美孚
生銹的爛鐵鎚 - 陽光少年與陰天少年
文建會兒童文化館 - 一片披薩一塊錢
投資日記 - 今期壹周
Subscribe to:
Posts (Atom)
