睇完今日o既海峽盃，見證o左港隊超級巨星 - 羅意庭o既誕生。
啊庭(羅意庭)先係第二節，以不斷o既殺入得分，打開港隊o既困局。再係第四節，一個人既攻且守，係關鍵o既最後幾分鐘，以幾球偷波快攻，追翻落後o既分數。再以兩球致命o既三分球，將比數拉開，奠定港隊o既勝局。
一個Iverson o既化身，以任性o既打法(教練、隊友又愛又恨)，一個人carry成隊港隊，啊庭攞MVP真係實至名歸。
P.S.真係唔好睇小香港波，場波水準之高，可觀性可比美NBA，港隊真係進步o左唔少。
伸延閱讀
29 Apr 2024 - Marriott點只酒店咁簡單 (信報「財智博立」專欄)
8 hours ago
4 comments:
大口仔都有睇場波，真係睇到熱血沸騰！阿庭真係好好波，特別係佢D超遠射！YEAH！
場波好有NBA playoff feel，相方互有攻守，比數拗得好緊。
其實，論實力，港隊真係爭潯興半班波，嬴得好險。上半場，潯興打順o左後，以戰神劉玉棟o既中距離，lead住港隊來打。唔係阿庭發o左癲狂摌，可能成場波就咁玩完。
下半場，潯興用高度優勢打內線，港隊內線爭人半個頭，真係冇符。阿庭又一次式演救世者，不段咁偷波，打亂哂潯興o既節奏。不過，港隊o既整體防守真係打得好，應記一功。當個波餵入low post，有兩個weak side o既港隊會幫手，搞到潯興o既center楊庚霖失好多球。
其實o個時潯興如果發力，仲有得追。不過，阿庭兩球NBA距離o既三分球，真係打沉哂潯興。一o野拉開幾分，唔洩氣好難。
阿庭超勁，好有星味，有Iverson o既影子。經今次之後，小弟敢寫包單，南華o既fans會多好多。
佢0個日真係打到起晒火 .....勁 !
巴林兄:歡迎光臨！
阿庭真係超勁，香港籃球o既新希望！
Post a Comment