『透過這種投資策略，李兆基認為大有「錢途」，他說：「可以發達，人人都可以做得到，毋須打工，好易搵食。」他又說：「你們（指在場的傳媒）如果六個月前識得這樣投資，可能已經發達，就不需要做記者也賺到錢。」他其後補充說，並非教人買股票，只是分享自己的心得，「如果衰左不要賴我」。』
唔好玩啦，叫人唔翻工炒股度日，你以為d平民百姓好似你坐擁千億，唔憂蝕咩。咁大個人仲講埋d咁o既o野，真係唔化…
伸延閱讀
星島日報 - 四叔教買中資股玩財技
天然氣價格上升對內地燃氣股是好事嗎? 【市場先生直播精華重溫】#華潤燃氣 #中國燃氣
20 hours ago
9 comments:
四叔今次真係講錯野，得罪人多。話晒傳媒都係正當職業，做記者有咩唔好先？！有d人賺到錢發達都一樣繼續做野，四叔都係一樣，不如話，佢既然已經咁有錢，應該唔洗做工啦，做咩重成日攪盡腦汁搵佢人錢？認真唔化！
四叔幾十歲人,仲未識分「運氣」同埋「實力」既分別。
可能炒股係佢唯一超越李嘉誠身家既方法，變成返唔到頭
棉花姐:
咪係囉，四叔今次講埋d咁o既o野，同d係股票行專向d師奶曬命o既「專業」散戶阿伯有乜分別。唉…
波蘿游兄:
歡迎光臨寒舍！兩個記招，四叔輕佻浮躁，超人沈著穩重。從哩一點，就睇到佢同超人之間o既距離。
四叔賺到失晒理性 !
又唔好話失理性，其實四叔o既「投機」策略真係幾ok。如果你有佢十分一身家，甚至百分一，你都好有機會有好多內幕tips，大把人真係用心幫你搵錢，好容易係大牛市下賺好多。
不過，四叔今云真係牙擦o左，賺多o左，俾d無良傳媒追捧做乜o野「亞洲股神」就鬆毛鬆翼，好一個「一朝得志，語無倫次」。
有錢人就是看不起別人,佢自己都是白手興家啫,點解會有這種不要得的品德,唉! 替老人家難過,千年道行一朝喪!
逍遙姐姐:
歡迎光臨寒舍！四叔真係老懵董啦，牙擦到冇曬分寸，唔知好嬲定好笑。
唔好嬲又唔好笑, 想想人地點解這樣說, 想想記者提問了何等白痴的問題,...
如果本能地抗拒逆耳的忠言, 等同引人"笑騎騎, 放毒蛇"
記住, 四叔教你股票不要炒, 要渣長!
vc兄:
歡迎、歡迎！
我都明白香港d財金記者幾有水準，不過o個句「可以發達，人人都可以做得到，毋須打工，好易搵食。」真係可圏可點。投資又好投機又好，要量力而為。打工係一個較可靠o既現金流，如果唔可以係股票市場搵到穩定o既收入，就唔好諗全職炒股啦。
Post a Comment