一日為師

肥龍兄前日講開coaching，等小弟都加把口講吓。

商場如戰場，為o左搶生意，抹黑對手在所不惜，仲要係俾自己所謂o既師父抹黑睇死，真係幾激心。好羨慕肥龍兄o既瀟灑，唔會介意人地點講。把口生係人地道，人地講乜係人地o既自由。抹黑又好，唱好又好，最重要都係做好自己。

逆向思維，真係好多人認為「一日為師，終生為師」(小弟都係buy哩套。)。可能你會覺得我老土，但小弟相信教過小弟o既都有恩於小弟，都係藉得小弟尊重。所以潛意識認為小弟教過o既都要尊重番小弟，對d唔識尊師重道o既人，真係莫明其妙地有d恨意。不過，你教過我，有恩於我，我尊重你，但都希望你尊重番我。所謂「士別三日，刮目相看」，相隔多年，我已經自力更新，有所改進，不再是你當年的「吳下阿蒙」。你以多年前的印象來說批抨現在的我，真係有d那過。我而家學有所成，你當日o既心機冇白廢到，應該高興先至係。你唔高興不特只，反過黎係我背後講我壞話，心胸未免太窄啦。

講番「尊師重道」或「教識徒弟冇師傅」。小弟真係coach過唔少城府好深o既人，表面上對你言聽計從，有事就推卸責任，仲要係大老闆前說三道四，講你o既不是。coach哩類人都幾心噏，有時真係想傾囊相授、有教無類，但係對住哩d人，有時都要吝嗇藏私。收埋一兩招，等佢自己領會，佢自己「領」個o野，俾個教訓佢，係塞錢入佢袋。

小弟都好鍾意做coaching。coach人真係好enjoyable，發掘到一個明日之星o既滿足感仲大，o既滿足感好似揍大個成材o既孝順仔咁，滿足感好大。所以小弟會繼續coach人，繼續enjoy coach人o既滿足感。

伸延閱讀
老sell遊記 - 以前跟佢