最近鐵鎚兄同菲姐姐都談及專業同認同，小弟都以此為題講一講小弟對此既睇法。
小弟做IT呢行都有好多試要考，但係始終專業資格認受性比較低。所謂什麼軟件或什麼網絡工程師，都係d 大IT公司或無良培訓中心巧立名目作出黎昆人落搭既技倆。去到見工既時候，有幾多老闆會傻到數你有幾多張證書，都係睇你有冇實際工作經驗先至請你。
唔同行業有唔同既機制，係執業行業又係另一回事。公認既執業人士為什麼地位咁超然，係因為執業資格係有專業能力再加誠信同操守既嚴格審查。所謂既「能力越大，責任越大」，執業人士係執業中要負上一定既刑事責任，犯錯小則釘牌，大則坐監。唔係咁多專業資格需要咁苛刻既規範，社會對一d非執業行業既認受性相對黎講就比較低d。
不過，專業同專業行業係兩回事。小弟諗專業係係某一個範疇上，知識、技能、心態、思維上達到超卓既水平就係專業，係一種個人評價。真係同大眾心目中，執業人士就係專業有d距離。正所謂「行行出狀元」，專業與否不在乎行業，只在乎從業員本身。小弟識得好多人，身為執業人士，成日專業掛在口邊，但缺乏專業既能力或態度，小弟就覺得哩d人跟本萛不上專業。
努力工作唔單只基建於謀生或社會認同，其實積極求進、勇於承擔、重視誠信—「追求專業」都可以係一種工作既原動力。
伸延閱讀
菲常任務 - 專業人士
工程師的大鐵鎚 - 脆弱啲價值觀
天然氣價格上升對內地燃氣股是好事嗎? 【市場先生直播精華重溫】#華潤燃氣 #中國燃氣
22 hours ago
6 comments:
很多新一代IT人自己也不承認自己的職業，正正是IT行業欠缺了這專業的肯定。而IT不受人認定是一個專業，是因為IT並無immediate effect。一個醫生被視為專業，是因為醫生可以一瞬間醫好人；一個律師被視為專業，是因為律師可以以官司作為專業的指標；一個建築師的好壞，視乎他起了多少層樓...但從來無人想過，世界上的IT人一夜間消失，世界會是什麼光景！
換個角度睇，IT人可唔可以以IT為一個終生事業呢?
做醫生、律師、建築師可以做到榮休，但係IT，可以榮休o既只係o個d做到top management或自己做老闆o既IT人。大部分都係人到中年被迫轉行，好o既可以去做pre-sales，冇咁好o既要做保險、地產agent。唔想sell o野o既，就係d屋邨商場仔開間整機或砌機o既鋪頭仔。唔好話我悲觀，IT o既出路真係好窄。
點解IT唔可以視為終生事業呢?因為社會跟本唔認同IT o既專業性，對IT人o既資力失o左份尊重。當一份職業o既專業性唔俾社會所認同，長遠o既發展有所局限，都好難怪IT新一代做o野得過且過，短視近利。
不過，「追求專業」係一種人生態度。我成日咁諗如果d新一代唔改變吓d工作態度，就萛俾佢地轉曬做醫生、律師、建築師，都係攪到一鑊泡。做人做事都好，態度先至係最重要。
>>IT人可唔可以以IT為一個終生事業呢?
可以，不過，你要非常捱得，之餘之有等、等、等，等到其他人忍無可忍了，你便可以上位做management，而management這個title讓人感到尊業。
>>IT o既出路真係好窄
那要看你出路的定義是什麼了。所有的專業向來都是出路窄，其實IT也不算差了。
我會咁睇…
如果做management，其實或多或少轉o左field，等同教師走去教統局做教官，醫生走去醫管局做management，律師走去律政司做咁。要求o既skill set已經唔同o左，係偏向management多於technical。
top management唔係話捱得、等得、忍得就可以做到，要講天時地利人和。management個title點解咁威，係因為佢地係弱肉強食、你虞我詐o既權力鬥爭裹，依然屹立不倒，同佢地o既IT know-how冇乜直接o既關係。商場黑暗，我真係見唔小好technical o既manager俾人鬥o左落黎，鬱鬱不得志。
我諗真正o既專業IT人係d日日對住部腦、不斷鑽研IT knowledge o既techie。教師可以教到退休係好普遍，做醫生可以自己掛牌掛到退休，做律師可以打官司打到退休，但係有幾多techie可以technical到老？！真係冇乜人會幫襯係d 「uncle」整機、寫programme、砌network。棉花姐講得啱，專業向來都係出路窄，但係techie不單只出路窄，直頭係冇出路。
諗到哩到，不禁有d唏噓。
呢個topic, 幾有趣。
我想講多d, 又可以俾大家拎出o黎分析下。
所以, 容我先完成手頭關於快餐的survey, 才在吾blog至講下研究下。
不過, 大家請不要介意咁遲至好。
冇問題！慢慢都唔遲。
Post a Comment