獅子銀行又再插水，今日低見75.45，最後收市企係76.55。上個禮拜仲做緊85樓上，短短幾日又重回海嘯價。
獅子銀行係繼渣兜後，又一隻股票令小弟大跌眼鏡…小弟不得不承認真係低估o左金融海嘯令成個金融業o既影響。去槓桿化，監管收緊，信貸風險大增下，環球銀行業(除中資金融股)o既生態唔同o左。
小弟自作聰明咁認為最有實力、應付危機能力最佳o既強者會吞併其他飽受財困o既金融機構，得以坐享其成，稱霸天下。但意識唔到環球金融機構之間環環緊扣，資產互相持有嚴重，交易對手違約o既可怕。以為可以獨善其身，甚至可以乘機坐大o既金融機構，至今都係動彈不得，股價插水，供股要錢。
去槓桿化，監管收緊，令非利息收入大減；再加上環球減息潮，令利息收入收縮，銀行打後o既利潤唔會好樂觀。
好！又學到o野，學費抵畀！
伸延閱讀
大口仔筆記 - 匯控大跌
5 comments:
始終認為最有實力的銀行最終會在這次風暴中脫穎而出，只係市場對"估值"及"資本要求"有了不同的演繹。
當大家都對所謂國際大行完全失去信心，新的秩序會起，新的強者會誕生。
聽日你就知味道...
大口兄︰小弟都認為新o既強者好快誕生，不過如會計兄所言，個問題唔係係邊個可以手執金融業o既牛耳？而係，整個金融業o既大牛市係唔係時候完結？如果係咁，就係時代避重就輕…
棉花姐︰小弟唔係好明係講乜喎…
剛到了聖誕，聖誕快樂
聖誕快樂!
Post a Comment