估唔到聖誕o既第一宗惡號，係日本AV女神 - 飯島愛過身o既事件…
帶畀好多三十同四十世代o既宅男好多美好回憶o既飯島愛出道於92年。想當年VCD機未普遍，好多人都係借錄影帶先可以「面聖」。而當年小弟年紀尚小，未有資格去「了解」女神，只可以係BBS上睇一啲圖片，望梅止渴。真正接觸女神卻係佢「卒業」後，回顧佢o既VCD先可以窺探女神o既「真面貌」。
十年光景己過，女神已成功轉型一個出書、又上綜藝節目o既才女。佢o既自傳《柏拉圖式性愛》更一度拍成電影同電視劇，成為一時o既佳話。佢標誌住一個AV轉型演藝界o既成功例子，成為好多後來投身AV界女仔o既目標同理想。好景不常，女神係07年因疾病同精神困擾退出演藝界，今日更傳出佢o既死訊，一個AV巨星的殞落，真令人嘆息不已。
願女神早日安息，早登極樂。
伸延閱讀
明報 - 飯島愛死因待驗屍確定
明報 - 屍身發臭揭發飯島愛身亡
Wikipedia - 飯島愛
天然氣價格上升對內地燃氣股是好事嗎? 【市場先生直播精華重溫】#華潤燃氣 #中國燃氣
23 hours ago
6 comments:
日本有千千萬萬個女神，比十年多。
比前經理人騙去hk700萬，咁又慘d。
小龍兄，你都可以咁睇o既…不過，如果論成就，飯島愛真係前無古人喎。
飯島愛係繼瑪麗蓮夢露後, 另一個女明星的傳奇。
雖則本小姐唔會有機會睇, 但係由AV女星, 到從良出書做電視主持, 她一定係第一人; 然而, 病痛(有講係拍AV片打真軍和曾墮胎所致)和被人騙財騙感情, 亦令她早於零六年退出演藝界和情緒抑鬱, 離世之事都是其屋企發臭才發現。
很突然囉!
最後, 祝新年愉快!
新年進步啊！
Huppy, huppy new year! 今日lai晒野,千祈唔好話新年快樂...!
Karen姐：飯島愛真係AV界o既傳奇人物。合皮扭耳！
大口兄︰大家咁話。
棉花姐︰係呀，「合皮扭耳」包冇衰。
Post a Comment