Sunday, April 20, 2008

狠批《假如我是男人》

一口氣看畢數十篇《假如我是男人》,一股感覺直貫全身,感覺很「港女」。

《假如我是男人》若有所指,簡直是對身邊男人的投射,羅列出筆者幻想男人應有的條件。幻想男人浪漫不羈,「男人不壞,女人不愛」,但願意放棄一切,一生一世。幻想男人鍾情事業,但要以家庭為先。幻想男人有伸士的風度,但自己卻拒絕淑女的素養,莽自給婦解重新定位。幻想男人努力上進,但要隨傳隨到,二話不說。幻想男人有細膩的感覺,中性化男人,但鄙視男人娘娘腔、做事拖泥帶水。幻想男人是個大男人,但對你百般包容。幻想男人儀容整潔、衣著品味、身材高佻、運動健將、陽光氣色、音樂精通、電腦專家、攝影大師、家居博士、博學多聞…輸打贏要,不斷完美化她們的「閔大人」,幻想男人都是陶傑、吳彥祖與龔耀輝(plus曾近榮)的合體。由始至終,對周遭的男人諸多不滿。慨嘆「終極」愛情始終沒有出現,自艾自憐。說穿了,瓊瑤小說上身,自我極端悲情化,精神上的自我虐待。

「十隻手指有長短」,人始終有優點缺點。男女關係,在乎互相欣賞與包容。何不放下己見,退後一步,以不同的角度去欣賞,正面態度去包容。

延伸閱讀
五師兄 -《假如我是男女》後記
怒插港女

10 comments:

C.M. said...

倚?唔見左個舊post既?比人逼迫乎?(萬事小心呀老兄...)

>>陶傑、吳彥祖與龔耀輝(plus曾近榮)的合體

陶傑果種語氣 + 曾近榮個年紀乎?

安諾勿斯 said...

o個post太到肉啦!見冇乜人覆,咪收埋自己睇。

cm兄,唔好玩我啦!當然係陶傑o既才氣加曾近榮o既家居知識啦,總之係港女fantasize o既Mr Perfect。

Anonymous said...

朋友... 人家祇是在自己的blog許個願。

還有,大多數女人也幻想他的男人是王子,若非如此,我們又怎樣多多花樣追女仔呢?

好好掌握,分分鐘變成追女高手呢 :-p

安諾勿斯 said...

ClubEddy兄,歡迎光臨!

幻想唔緊要,係人都有幻想。女人幻想男人係王子,男人幻想女人係尤物。但係,幻想還幻想,港女就係分唔清幻想同現實。成日小公主上身,要求身邊o既男人係王子。吹毛求疵、每事挑剔,唔識得包容同尊重。

追女高手?!唔好玩啦。不過,要同d港女拍拖,諗起都怕怕!

Chris said...

hehe, 安兄小心為上,因住遭網絡追殺呀 :P

Anonymous said...

感覺你好似我識既一個人-- 肥仔豪

安諾勿斯 said...

Chris兄,

「出黎行,預o左要還」,網絡追殺啫,唔使驚喎。最怕,小弟係王小姐,哩到又係內地,咁就驚啦。

安諾勿斯 said...

肥仔豪?!如果小弟係肥豪,咁閣下係邊位呀?

Anonymous said...

有時幻想係好,但係記得要懂得回到現實,妥協都係一種藝術

安諾勿斯 said...

認同!罔顧現實,合理化幻想,野蠻係佢地o既專利。