Sunday, June 29, 2008
Monday, June 23, 2008
IT、程式員、 工程師(二)
上回提到，IT工種好多，有做user與IT橋樑o既BA、有不食人間煙火o既DBA、有文武雙全o既developer、有卒人高手PM。其實IT仲有好多工種，等小弟在此繼續繼續。
操作員/系統管理員(Operator/System Adminstrator)
opt屎唔係接線生，係管電腦系統o既操作員。佢地日常o既工作都係mon吓個Unicenter，睇吓啲batch job run成點，backup換吓tape咁。大家都知而家啲system係24x7，所以opt屎係返shift o既。
其實佢地o既神聖任務，係預著system有事去call人，而剎手橺當然係驚天地泣鬼神o既「絕命追魂call」。當system有事(講真一晚緊係有幾單，唔係A system個batch爆碟，就係B system食哂啲cpu同memory)，Unicenter就會響alarm。opt屎一見到響alarm，唔理個alarm係false alarm，或者雞毛蒜皮o既問題，就會「剿」個call list，好似機械人上身咁不斷call人。call A唔到call B，call B唔到call C，總之要call到人。有時唔知個list唔update，定係opts屎攞錯list，call o左第二個system o既support都有。call到人啦，真正o既戲肉先開始，每十五分鐘追call一次，問你有冇update。夜晚十點又好，零晨三點都好，都係不斷咁call。大佬，十五分鐘做到啲乜呀！每十五分鐘call一次，成家人唔醒都被你嘈醒啦。直至你可以confirm到係false alarm，或唔urgent先可以有覺好瞓。
如果PM o既職責係揹起個project，咁SA就係揹起個system。個system live o左後一切o野都係SA睇哂，network或system有事時，佢要troubleshoot。programme release要搵佢，要新hardware，又係佢跟。佢要manage啲backup之餘，啲user account，password reset都要睇埋。SA可話係IT界o既萬能叔叔、包搞掂先生。係一啲細公司可以同時兼任technical support、DBA、network佬、security admin、同埋programmer，一人分式多角。
SA唔使好似啲opt屎要返shift，不過有起事都係第一個call醒。如果個system唔生性，日日爆鑊，可以話SA俾返shift更慘。
有啲opt屎做做吓會轉去做SA，不過轉SA都唔係咁易。出面請SA啲requirement真係唔知邊啲人set，個requirement set到天咁高。話要MCSE、SCNA甚至CCNA都要，一個人邊到讀到咁多o野，好多現職SA都係邊學邊做邊讀。
=============================================
網絡工程師/系統工程師(Network Engineer/Network Adminstrator)
又稱network佬。唔好以為啲network佬淨係拉線做patching，幫人上網。network佬平時mon住個network o既throughput，睇吓有冇intrusion等。有啲騎哩啲o既老細要network佬block啲site同埋check吓邊個成日玩msn。 除此之外，network佬都要睇埋network planning同implementation。個switch啲port夠唔夠用，使唔使整多個subnet。application team好多時都要network佬support先可以上到個system，申請個IP同個FQDN要搵佢，係firewall開個窿又要搵佢。
不過，好似啲DBA咁，啲network佬好有古墓派feel。要個IP或個FQDN要一個禮拜，firewall開窿要兩個禮拜。大佬，大拿拿要等足成兩個禮拜喎，啲user殺人都似，都唔明點解唔可以streamline個process！network有事永遠係最後一個知，乜你地唔係mon住個network o既咩。
network佬都有一個CCNA旁身，而CCNA又真係好鬼technical、又好鬼深，唔係做開去考可以話十死九傷。所以，正牌network佬同DBA一樣叫價好高，多數都係support或SA兼任。
=============================================
用家支援/求助台(User Support/Helpdesk)
helpdesk會比較近鐵鎚兄所講o既IT。如果SA係主力揍system，咁helpdesk就主力揍user。helpdesk都會有個hotline，係一個所有user都知，下至OA，上至大老闆都知o既number。有人call，佢地要mark個call入call log，如果個call係佢職權範圍以外，會escalate畀其他team跟。
專業o既helpdesk可以話係一個出氣袋再加一本人肉manual，可以好快安撫到啲發哂脾四o既user，又可以solve到佢o既問題。除o左啲一般問題，佢地有時都會遇到啲雕鑽啲o既。helpdesk都會maintain一個knowledge base，一啲雕鑽o既問題都可以係o個搵到。
有啲變態o既老闆會規定每個電話好似DHL咁，要係響三下要接，唔好話食個tea，真係有時連小個便都唔得。又有啲老闆會規定啲call唔可以帶過夜。如果個call係day-end都solve唔到，helpdesk會化身成英超球員，有理冇理大腳送個波(escalate個call)俾人，咁就唔會畀老闆鬧。
有啲helpdesk會轉去做SA，不過helpdesk做o既o野唔係咁technical，所以成功例子少啲。helpdesk o既career path唔係好清晰，requirement又唔高，所以turnover都幾高。
哎呀，仲有好多工種未講添，有啲口乾，今日就講住咁多啦。
延伸閱讀
大鐵鎚 - IT, 程式員, 工程師
資訊科技及通訊業資歷架構
操作員/系統管理員(Operator/System Adminstrator)
opt屎唔係接線生，係管電腦系統o既操作員。佢地日常o既工作都係mon吓個Unicenter，睇吓啲batch job run成點，backup換吓tape咁。大家都知而家啲system係24x7，所以opt屎係返shift o既。
其實佢地o既神聖任務，係預著system有事去call人，而剎手橺當然係驚天地泣鬼神o既「絕命追魂call」。當system有事(講真一晚緊係有幾單，唔係A system個batch爆碟，就係B system食哂啲cpu同memory)，Unicenter就會響alarm。opt屎一見到響alarm，唔理個alarm係false alarm，或者雞毛蒜皮o既問題，就會「剿」個call list，好似機械人上身咁不斷call人。call A唔到call B，call B唔到call C，總之要call到人。有時唔知個list唔update，定係opts屎攞錯list，call o左第二個system o既support都有。call到人啦，真正o既戲肉先開始，每十五分鐘追call一次，問你有冇update。夜晚十點又好，零晨三點都好，都係不斷咁call。大佬，十五分鐘做到啲乜呀！每十五分鐘call一次，成家人唔醒都被你嘈醒啦。直至你可以confirm到係false alarm，或唔urgent先可以有覺好瞓。
如果PM o既職責係揹起個project，咁SA就係揹起個system。個system live o左後一切o野都係SA睇哂，network或system有事時，佢要troubleshoot。programme release要搵佢，要新hardware，又係佢跟。佢要manage啲backup之餘，啲user account，password reset都要睇埋。SA可話係IT界o既萬能叔叔、包搞掂先生。係一啲細公司可以同時兼任technical support、DBA、network佬、security admin、同埋programmer，一人分式多角。
SA唔使好似啲opt屎要返shift，不過有起事都係第一個call醒。如果個system唔生性，日日爆鑊，可以話SA俾返shift更慘。
有啲opt屎做做吓會轉去做SA，不過轉SA都唔係咁易。出面請SA啲requirement真係唔知邊啲人set，個requirement set到天咁高。話要MCSE、SCNA甚至CCNA都要，一個人邊到讀到咁多o野，好多現職SA都係邊學邊做邊讀。
=============================================
網絡工程師/系統工程師(Network Engineer/Network Adminstrator)
又稱network佬。唔好以為啲network佬淨係拉線做patching，幫人上網。network佬平時mon住個network o既throughput，睇吓有冇intrusion等。有啲騎哩啲o既老細要network佬block啲site同埋check吓邊個成日玩msn。 除此之外，network佬都要睇埋network planning同implementation。個switch啲port夠唔夠用，使唔使整多個subnet。application team好多時都要network佬support先可以上到個system，申請個IP同個FQDN要搵佢，係firewall開個窿又要搵佢。
不過，好似啲DBA咁，啲network佬好有古墓派feel。要個IP或個FQDN要一個禮拜，firewall開窿要兩個禮拜。大佬，大拿拿要等足成兩個禮拜喎，啲user殺人都似，都唔明點解唔可以streamline個process！network有事永遠係最後一個知，乜你地唔係mon住個network o既咩。
network佬都有一個CCNA旁身，而CCNA又真係好鬼technical、又好鬼深，唔係做開去考可以話十死九傷。所以，正牌network佬同DBA一樣叫價好高，多數都係support或SA兼任。
=============================================
用家支援/求助台(User Support/Helpdesk)
helpdesk會比較近鐵鎚兄所講o既IT。如果SA係主力揍system，咁helpdesk就主力揍user。helpdesk都會有個hotline，係一個所有user都知，下至OA，上至大老闆都知o既number。有人call，佢地要mark個call入call log，如果個call係佢職權範圍以外，會escalate畀其他team跟。
專業o既helpdesk可以話係一個出氣袋再加一本人肉manual，可以好快安撫到啲發哂脾四o既user，又可以solve到佢o既問題。除o左啲一般問題，佢地有時都會遇到啲雕鑽啲o既。helpdesk都會maintain一個knowledge base，一啲雕鑽o既問題都可以係o個搵到。
有啲變態o既老闆會規定每個電話好似DHL咁，要係響三下要接，唔好話食個tea，真係有時連小個便都唔得。又有啲老闆會規定啲call唔可以帶過夜。如果個call係day-end都solve唔到，helpdesk會化身成英超球員，有理冇理大腳送個波(escalate個call)俾人，咁就唔會畀老闆鬧。
有啲helpdesk會轉去做SA，不過helpdesk做o既o野唔係咁technical，所以成功例子少啲。helpdesk o既career path唔係好清晰，requirement又唔高，所以turnover都幾高。
哎呀，仲有好多工種未講添，有啲口乾，今日就講住咁多啦。
延伸閱讀
大鐵鎚 - IT, 程式員, 工程師
資訊科技及通訊業資歷架構
Thursday, June 12, 2008
junior與我
琴日講新紥高官陳智遠，有感而發，小弟覺得今日啲年輕人打工o既心態同小弟想當年有好大o既出入。今日睇都市黃sir篇文，咁啱得咁巧，又係講今時今日畢業生o既心態。
想當年初出來做o野o既時候，真係好似一張白紙，乜都唔識。想學o野又驚做錯o野，啲o野唔識做，戰戰兢兢咁問senior。senior雖然好nice，但係佢好忙，都冇乜時間可以教我o野。所以好多o野都係靠自己摸，從錯誤中學習。
當時，成日有好多奇怪o既念頭，唔知點實行，又冇人指點，所以成日行o左好多冤枉路。冤枉路唔係白行o既。有時好多idea，邊啲work，邊啲唔work，真係要自己落手落腳做先知到。
o個時一個人做到十點十一點，星期六日無休，做到老細叫小弟keep匙，無非都係想將自己諗出來天馬行空o既idea完成。到最後個project順利出街，個心情真係有啲懷胎十月生o左個B o個份喜悅。諗翻轉頭，真係有啲天真同傻，免費幫老細OT，一個人做三個人o野，換來o既只係一句「well done」，人工加多少都冇。不過，o個時o既小弟一心希望可以証明自己o既實力，得到人地o既認同，可能呢啲就叫做年輕人o既傻勁。
到而家，小弟由當初o既junior變成而家o既老屎忽，coach過唔少新人。除o左一兩個特別例子之外，發覺而家o既後生仔心態上真係唔多同。
鍾意同人比較，成日「fair」係口邊
========================
唔知點解「fair」呢個字會俾人做o左口頭禪。有啲junior知道自己人工同啲同期o既唔同，話同工唔同酬，唔「fair」。又有次知道同期升o左，但自己冇得升，就鬼剎咁嘈，又話唔「fair」，話要轉工，又話要去投訴。大佬！唔好o野o野玩投訴，老細又會話小弟睇唔住啲細o架啦。
打個比喻，你可以當打工當鬥場波，appraisal system就係場波o既規則。開波之前，緊係要知踢唔踢offside、打幾多分鐘、等等。如果隊友送個波上前場，你冇人mark，見機不可失，即刻大腳送個波入網。點知球証話越位，個球唔計數。你去球証投訴，球証緊係睬你都o徒氣。你再嘈，球証醒多個黃牌畀你。 所以，打工一定要知appraisal system係點。
要知道appraisal system多數包裝到好objective，其實所有o野都係掌握在你老闆都手中。你唔知appraisal個黑暗面，以為個system好objective，你所有出o既effort可以得到回饋。咁，你可能會好失望。要知道appraisal係高層揀卒o既手段，你要問自己同高層o既關係。如果你o既印象係高層心目中好模糊，咁你o既努力一定會打個折扣。如果你係高層心目中有好印象，咁就恭喜哂！就萛你做八成，都可能有十足o既回報，社會就係咁現實。不過，小弟唔係叫你擦鞋，好多老闆都唔鍾意人擦鞋。齋擦鞋冇實力，好多時死o左都唔知咩事。
對小弟黎講，識得揀o野做好重要。做得好，不如揀得好。識得揀high profile o野做，做得好又做得圓滑，咁你就令高層另眼相看。當然，high profile等如high risk，如果你唔掂，個task鑊o左，你會千夫所指，會死得更難睇。take唔take risk，就睇你o既信心同實力。
anyway，加人工升職係際遇o既問題，好睇彩數。如果你insist你口中o既fair、多勞多得，不如盡快轉工好過，可能會搵到個打工仔o既「烏托邦」。如果你真係諗住玩o野，你都係搵個第二個藉口去做佢，appraisal唔fair好難做得入o架。
講開又講，仲有啲junior，唔知係唔係仲活係七八十年代，個世界變o左都唔知。仲會以為唔使博，坐係到，排隊可以升職。邊仲有「人升你又升」支歌仔唱o架，想升，咁你等多幾年開曉先啦，真係另外一個extreme。
唔多扺得諗，做o野走精面
==================
唔知大家覺唔覺，回歸十年，香港人真係唔同o左。唔係話啲乜o野「赤化」、「統戰」，小弟講o既係香港地個人主義嚴重o左，有氾濫o既趨勢。啲junior精甩尾，未學行，先學走，好似小弟呢啲老屎忽一樣，成日耍o野做。
server有事要reboot，叫個junior去data centre boot機，個junior會講「呢個system唔係我跟開，你叫xx做啦。」。頂！xx放o左假，如果xx係到就唔使叫你啦。有o野要restore，叫個junior去contingency site攞backup，個junior會講「我有啲o野跟緊，可唔可以叫其他人去。」頂！要restore，緊係爆大鑊，唔好話你啲o野放低一陣都唔得。
小弟都明係人都唔想做boot機、攞backup哩啲冇value o既dirty work，不過啲dirty work一定要人做。如果其他人比你更productive，least productive既junior係唔係應該扺諗啲頂o左啲dirty work做呢? 更何況小事成就大事， 一切從小事做起。如果你可以成熟處理dirty work哩啲小事，senior同老闆會畀機會你處理一啲更重要o既task。
又講，有時，有啲junior就萛應承，都係口服心唔服，做都係是但做畀你，求其交差就萛。叫佢boot機，未boot好就走，最後要call佢返去boot多次。叫佢攞backup，可以攞o左前日o既返來。都唔明橫掂都係做，做戲都做全套，就萛係dirty work，都要用心去做。
又又講，成個世界o既風氣係要快，覺得識走shortcut、精面就好醒。之不過，得過「快」字但做錯哂都係冇用。其實，每一個工序，環環緊扣，有人出錯，就slow down成個flow。如果你得過且過，胡混過骨，你做錯o左，下一手就要執你o既屎。你可以話人地死人地事，唔好事事入我數。咁你諗吓如果你上手都係咁，你可以點萛。anyway，唔係叫你做o野慢吞吞，不過走shortcut時，要諗清楚會有咩risk，鑊o左有咩impact。如果唔justify，就最好踏踏實實，做好哩份工啦。
冇乜禮貌，又唔多尊重啲同事
====================
唔明啲人咁鍾意玩我行我素，唔係好理其他人o既感受。朝早冇「早晨」，放工冇「走先」唔在講。同佢傾o野又鬼死咁唔耐煩，成日心不在焉。 做錯o野又唔認，仲要話翻你講得唔清楚。最抵死係學人講是非，仲要同對頭team啲人講，真係死得。
有個自信爆棚o既後生仔，個人幾聰明，不過聰明反被聰明誤。目中無人，我行我素，成日challenge人，又唔cooperative。搞到啲senior同老細都唔鍾意佢，最後都係自己辭職返翻U讀書。 如果佢繼續咁自大，academic都未必容納到佢。
禮貌同尊重係出黎做o野同處世o既基本條件。出黎做o野一定要同人合作，合作建基於信任，而信任建基於尊重。如果你唔尊重人，你自然剋人憎，小弟諗冇人鍾意同啲剋佢憎o既人做o野。就萛你幾勁都好，如果冇人想同你做o野，小弟諗你都好難做到啲成績出黎。
有o野唔做，成日神神秘秘
==================
有啲人返工遲到早退不特只，做o野又冇尾飛堶 ，唔交帶 。成日有私人電話，一有電話就走o左去，一講就半個鐘。食飯永遠走o左人，好似要避開team啲人。成日神神秘，係街撞到扮睇唔到，call佢又唔接。
又有個後生仔，做o野好臘又鍾意玩神秘，一個簡單task可以做成個禮拜。見親佢都係道玩IM，玩facebook。有時，甚至成日唔見o左人，唔知做乜。問佢有冇問題o既時候，又話冇問題。問佢進度又咦咦哦哦，唔知做到邊。後來先知佢溝緊隔離team條新女，有自己o野唔做去做人地啲o野。唔見o左人，就係去o左幫人。得悉此事後，小弟當然摌佢摌上天花板。不過唔使小弟摌佢，佢都得應有o既教訓，可能佢做得太揚或者條女只係當佢係水泡，最後都係溝唔到條女。講真，小弟唔反對(但唔贊成)係公司溝女。不過，溝唔溝到都可能影響工作，真係後果自負。
人緊係有私人o野做。小弟有時都會係公司炒吓股票，上吓網，所以小弟都唔mind人係公司做自己o野。但係有公司o野唔做，去溝女、day trade、溫書、做功課、甚至去秘撈、interview真係過唔到小弟個關。再加上啲人心虛又好、自我又好，做到鬼死咁鬼鼠，玩神秘咁仲死多幾錢。講真小弟自問幾open，如果你可以開心見誠話我聽，小弟都會考慮隻眼開隻眼閉。但你唔當小弟係自己友，以為唔話我聽，小弟就唔知，小弟就要你死得更難睇，哈哈！
最後，黃sir o既column真係一個好o既reference。雖然有啲文老土o左啲，不過佢真係講出老闆o既心聲，打工仔o既心法。如果你想打好哩份工，不仿追吓。
伸延閱讀
CEO實戰手記：做事要有交代
CEO實戰手記：成功源於態度
CEO實戰手記：學會操控自己的情緒
CEO實戰手記：禮貌及世故
CEO實戰手記：全力以赴，做到最好
CEO實戰手記：正面態度：建立人際網絡
CEO實戰手記：職場如戰場
CEO實戰手記：年輕人如何成職場達人
CEO實戰手記：職場達人速成班—「草莓族」
CEO實戰手記：職場達人速成班—工作態度
CEO實戰手記：初出茅廬要先學犯錯
CEO實戰手記：職場新人八個錦囊
想當年初出來做o野o既時候，真係好似一張白紙，乜都唔識。想學o野又驚做錯o野，啲o野唔識做，戰戰兢兢咁問senior。senior雖然好nice，但係佢好忙，都冇乜時間可以教我o野。所以好多o野都係靠自己摸，從錯誤中學習。
當時，成日有好多奇怪o既念頭，唔知點實行，又冇人指點，所以成日行o左好多冤枉路。冤枉路唔係白行o既。有時好多idea，邊啲work，邊啲唔work，真係要自己落手落腳做先知到。
o個時一個人做到十點十一點，星期六日無休，做到老細叫小弟keep匙，無非都係想將自己諗出來天馬行空o既idea完成。到最後個project順利出街，個心情真係有啲懷胎十月生o左個B o個份喜悅。諗翻轉頭，真係有啲天真同傻，免費幫老細OT，一個人做三個人o野，換來o既只係一句「well done」，人工加多少都冇。不過，o個時o既小弟一心希望可以証明自己o既實力，得到人地o既認同，可能呢啲就叫做年輕人o既傻勁。
到而家，小弟由當初o既junior變成而家o既老屎忽，coach過唔少新人。除o左一兩個特別例子之外，發覺而家o既後生仔心態上真係唔多同。
鍾意同人比較，成日「fair」係口邊
========================
唔知點解「fair」呢個字會俾人做o左口頭禪。有啲junior知道自己人工同啲同期o既唔同，話同工唔同酬，唔「fair」。又有次知道同期升o左，但自己冇得升，就鬼剎咁嘈，又話唔「fair」，話要轉工，又話要去投訴。大佬！唔好o野o野玩投訴，老細又會話小弟睇唔住啲細o架啦。
打個比喻，你可以當打工當鬥場波，appraisal system就係場波o既規則。開波之前，緊係要知踢唔踢offside、打幾多分鐘、等等。如果隊友送個波上前場，你冇人mark，見機不可失，即刻大腳送個波入網。點知球証話越位，個球唔計數。你去球証投訴，球証緊係睬你都o徒氣。你再嘈，球証醒多個黃牌畀你。 所以，打工一定要知appraisal system係點。
要知道appraisal system多數包裝到好objective，其實所有o野都係掌握在你老闆都手中。你唔知appraisal個黑暗面，以為個system好objective，你所有出o既effort可以得到回饋。咁，你可能會好失望。要知道appraisal係高層揀卒o既手段，你要問自己同高層o既關係。如果你o既印象係高層心目中好模糊，咁你o既努力一定會打個折扣。如果你係高層心目中有好印象，咁就恭喜哂！就萛你做八成，都可能有十足o既回報，社會就係咁現實。不過，小弟唔係叫你擦鞋，好多老闆都唔鍾意人擦鞋。齋擦鞋冇實力，好多時死o左都唔知咩事。
對小弟黎講，識得揀o野做好重要。做得好，不如揀得好。識得揀high profile o野做，做得好又做得圓滑，咁你就令高層另眼相看。當然，high profile等如high risk，如果你唔掂，個task鑊o左，你會千夫所指，會死得更難睇。take唔take risk，就睇你o既信心同實力。
anyway，加人工升職係際遇o既問題，好睇彩數。如果你insist你口中o既fair、多勞多得，不如盡快轉工好過，可能會搵到個打工仔o既「烏托邦」。如果你真係諗住玩o野，你都係搵個第二個藉口去做佢，appraisal唔fair好難做得入o架。
講開又講，仲有啲junior，唔知係唔係仲活係七八十年代，個世界變o左都唔知。仲會以為唔使博，坐係到，排隊可以升職。邊仲有「人升你又升」支歌仔唱o架，想升，咁你等多幾年開曉先啦，真係另外一個extreme。
唔多扺得諗，做o野走精面
==================
唔知大家覺唔覺，回歸十年，香港人真係唔同o左。唔係話啲乜o野「赤化」、「統戰」，小弟講o既係香港地個人主義嚴重o左，有氾濫o既趨勢。啲junior精甩尾，未學行，先學走，好似小弟呢啲老屎忽一樣，成日耍o野做。
server有事要reboot，叫個junior去data centre boot機，個junior會講「呢個system唔係我跟開，你叫xx做啦。」。頂！xx放o左假，如果xx係到就唔使叫你啦。有o野要restore，叫個junior去contingency site攞backup，個junior會講「我有啲o野跟緊，可唔可以叫其他人去。」頂！要restore，緊係爆大鑊，唔好話你啲o野放低一陣都唔得。
小弟都明係人都唔想做boot機、攞backup哩啲冇value o既dirty work，不過啲dirty work一定要人做。如果其他人比你更productive，least productive既junior係唔係應該扺諗啲頂o左啲dirty work做呢? 更何況小事成就大事， 一切從小事做起。如果你可以成熟處理dirty work哩啲小事，senior同老闆會畀機會你處理一啲更重要o既task。
又講，有時，有啲junior就萛應承，都係口服心唔服，做都係是但做畀你，求其交差就萛。叫佢boot機，未boot好就走，最後要call佢返去boot多次。叫佢攞backup，可以攞o左前日o既返來。都唔明橫掂都係做，做戲都做全套，就萛係dirty work，都要用心去做。
又又講，成個世界o既風氣係要快，覺得識走shortcut、精面就好醒。之不過，得過「快」字但做錯哂都係冇用。其實，每一個工序，環環緊扣，有人出錯，就slow down成個flow。如果你得過且過，胡混過骨，你做錯o左，下一手就要執你o既屎。你可以話人地死人地事，唔好事事入我數。咁你諗吓如果你上手都係咁，你可以點萛。anyway，唔係叫你做o野慢吞吞，不過走shortcut時，要諗清楚會有咩risk，鑊o左有咩impact。如果唔justify，就最好踏踏實實，做好哩份工啦。
冇乜禮貌，又唔多尊重啲同事
====================
唔明啲人咁鍾意玩我行我素，唔係好理其他人o既感受。朝早冇「早晨」，放工冇「走先」唔在講。同佢傾o野又鬼死咁唔耐煩，成日心不在焉。 做錯o野又唔認，仲要話翻你講得唔清楚。最抵死係學人講是非，仲要同對頭team啲人講，真係死得。
有個自信爆棚o既後生仔，個人幾聰明，不過聰明反被聰明誤。目中無人，我行我素，成日challenge人，又唔cooperative。搞到啲senior同老細都唔鍾意佢，最後都係自己辭職返翻U讀書。 如果佢繼續咁自大，academic都未必容納到佢。
禮貌同尊重係出黎做o野同處世o既基本條件。出黎做o野一定要同人合作，合作建基於信任，而信任建基於尊重。如果你唔尊重人，你自然剋人憎，小弟諗冇人鍾意同啲剋佢憎o既人做o野。就萛你幾勁都好，如果冇人想同你做o野，小弟諗你都好難做到啲成績出黎。
有o野唔做，成日神神秘秘
==================
有啲人返工遲到早退不特只，做o野又冇尾飛堶 ，唔交帶 。成日有私人電話，一有電話就走o左去，一講就半個鐘。食飯永遠走o左人，好似要避開team啲人。成日神神秘，係街撞到扮睇唔到，call佢又唔接。
又有個後生仔，做o野好臘又鍾意玩神秘，一個簡單task可以做成個禮拜。見親佢都係道玩IM，玩facebook。有時，甚至成日唔見o左人，唔知做乜。問佢有冇問題o既時候，又話冇問題。問佢進度又咦咦哦哦，唔知做到邊。後來先知佢溝緊隔離team條新女，有自己o野唔做去做人地啲o野。唔見o左人，就係去o左幫人。得悉此事後，小弟當然摌佢摌上天花板。不過唔使小弟摌佢，佢都得應有o既教訓，可能佢做得太揚或者條女只係當佢係水泡，最後都係溝唔到條女。講真，小弟唔反對(但唔贊成)係公司溝女。不過，溝唔溝到都可能影響工作，真係後果自負。
人緊係有私人o野做。小弟有時都會係公司炒吓股票，上吓網，所以小弟都唔mind人係公司做自己o野。但係有公司o野唔做，去溝女、day trade、溫書、做功課、甚至去秘撈、interview真係過唔到小弟個關。再加上啲人心虛又好、自我又好，做到鬼死咁鬼鼠，玩神秘咁仲死多幾錢。講真小弟自問幾open，如果你可以開心見誠話我聽，小弟都會考慮隻眼開隻眼閉。但你唔當小弟係自己友，以為唔話我聽，小弟就唔知，小弟就要你死得更難睇，哈哈！
最後，黃sir o既column真係一個好o既reference。雖然有啲文老土o左啲，不過佢真係講出老闆o既心聲，打工仔o既心法。如果你想打好哩份工，不仿追吓。
伸延閱讀
CEO實戰手記：做事要有交代
CEO實戰手記：成功源於態度
CEO實戰手記：學會操控自己的情緒
CEO實戰手記：禮貌及世故
CEO實戰手記：全力以赴，做到最好
CEO實戰手記：正面態度：建立人際網絡
CEO實戰手記：職場如戰場
CEO實戰手記：年輕人如何成職場達人
CEO實戰手記：職場達人速成班—「草莓族」
CEO實戰手記：職場達人速成班—工作態度
CEO實戰手記：初出茅廬要先學犯錯
CEO實戰手記：職場新人八個錦囊
十三萬的學徒
今次陳智遠事件真係觸動o左小弟「憎人富貴厭人窮」o既神經。
三年irrelevant o既工作經驗，又唔係乜o野名牌大學出身(雖然名牌大學is nothing)，一個聽都未聽過o既會o既創會成員(原來林輝都係roundtable，失敬失敬)，又唔係有咩驕人o既政績?可以值十三萬?!可能小弟井底之蛙，十三萬只係一個細數目，好多投行都可以出到呢個價。但係，今次講緊係政府請人，係用納稅人o既錢，以一個over o左好多o既價，請一個充滿question mark o既人。一句到尾，唔make sense。
今次可以話破天荒畀機會啲後生仔上位，但有冇諗過會拔苗助長，弄巧反拙。政治助理o既工作，主要同啲玩o左廿幾年議會政治o既老屎忽玩lobbying。陳生幾叻仔都好，但始終經驗尚淺，處理議會政治咁複雜o既工作，可能有機會畀人食住。一個咁重要o既公作，要由一個初入行o既政治學徒去擔任，真係令人擔心。如果陳生真係咁有抱負，我會suggest陳生去由AO甚至議員助理做起，好似葉劉頭馬陳岳鵬咁，經吓直選o既洗禮，我諗咁個story會much more presentable。
Anyway，今後傳媒大眾都會釘到佢實，真係「祝佢好運」。
講開又講，今時今日，smart o既後生仔真係唔少， 但真係有抱負、有理想、肯由低做起o既後生仔真係唔見o左。work with一啲junior o既時候，最常聽到o個句係—「呢啲o野唔應該我做。」。以前，有o野都掙著做，邊有junior敢say no。今日成日扭計、認精學懶o既多的是。你同人講「刻苦耐勞」、「敬業樂業」、「肯學肯捱」，人地都會以為你黐線。
伸延閱讀
孫柏文 - 我挺「十三萬助理」陳智遠
明報 - 陳智遠﹕畀個機會我
Wikipedia - 陳智遠
三年irrelevant o既工作經驗，又唔係乜o野名牌大學出身(雖然名牌大學is nothing)，一個聽都未聽過o既會o既創會成員(原來林輝都係roundtable，失敬失敬)，又唔係有咩驕人o既政績?可以值十三萬?!可能小弟井底之蛙，十三萬只係一個細數目，好多投行都可以出到呢個價。但係，今次講緊係政府請人，係用納稅人o既錢，以一個over o左好多o既價，請一個充滿question mark o既人。一句到尾，唔make sense。
今次可以話破天荒畀機會啲後生仔上位，但有冇諗過會拔苗助長，弄巧反拙。政治助理o既工作，主要同啲玩o左廿幾年議會政治o既老屎忽玩lobbying。陳生幾叻仔都好，但始終經驗尚淺，處理議會政治咁複雜o既工作，可能有機會畀人食住。一個咁重要o既公作，要由一個初入行o既政治學徒去擔任，真係令人擔心。如果陳生真係咁有抱負，我會suggest陳生去由AO甚至議員助理做起，好似葉劉頭馬陳岳鵬咁，經吓直選o既洗禮，我諗咁個story會much more presentable。
Anyway，今後傳媒大眾都會釘到佢實，真係「祝佢好運」。
講開又講，今時今日，smart o既後生仔真係唔少， 但真係有抱負、有理想、肯由低做起o既後生仔真係唔見o左。work with一啲junior o既時候，最常聽到o個句係—「呢啲o野唔應該我做。」。以前，有o野都掙著做，邊有junior敢say no。今日成日扭計、認精學懶o既多的是。你同人講「刻苦耐勞」、「敬業樂業」、「肯學肯捱」，人地都會以為你黐線。
伸延閱讀
孫柏文 - 我挺「十三萬助理」陳智遠
明報 - 陳智遠﹕畀個機會我
Wikipedia - 陳智遠
Tuesday, June 10, 2008
Monday, May 26, 2008
IT、程式員、工程師 (一)
鐵鎚兄講香港IT，小弟都想加把口講吓。
如鐵鎚兄所言，其實可以大分software同hardware(或者engineer)。小弟做開software，對engin o個邊真係唔熟，對engin o既career path一知半解，都係小講小錯。至於software，小弟浸淫了一段時間，對software略知一二，等小弟班門弄斧，獻醜獻醜。
software其實可以分工好細，排明不分先後:-
業務分析員(Business Analyst)
好似棉花姐咁，主要工作係幫user搵啲業務上o既問題同埋提供解決o既辦法，係business同ITo既一道橋樑。有新project o既時候，同user吹完一大輪水後，寫spec (requirement/functional specification)俾啲developer去跟。如果遇著user太忙，份spec好多時都係BA作出黎。UAT o既時候，陪啲user試。好多時啲user都唔肯試，都係講個「信」字，叫BA自己試。就萛肯試，都係係咁咦，始終都係要BA試哂。
一個好o既BA，一定要同user有良好o既關係，所以同user social係必收科。因為經常接觸user，而係人o既習慣係事無大小，熟邊個就搵邊個。當system有問題o既時候，BA有好多時係要做埋客席support。 做BA最緊要識走位。遇著啲燥狂o既user，當佢心情唔好o既時候，如果BA唔知定搵user，真係送上門俾人鬧。
有啲BA有鋪癮，鍾意睇埋code，好hand-on。不過好多都係齋睇齋吹，對technical都係一知半解，去到有事都係靠啲developer去救。 又有啲BA吹自己好technical，鍾意寫spec時寫到好technical，同做埋technical design冇分別。但係好多時諗o既o野都好門面，淨係諗啲short-cut又唔理會影響成個system o既flow同performance。technical design都係搵啲專業人仕做啦。
=============================================
資料庫管理員(Database Adminstrator)
一個不食人間煙火o既位，同啲network佬一樣，可以叫做IT中o既古墓派。每日o既工作就係咁咦mon吓database有冇爆碟，做吓backup同restore。做o既o野極其technical，以有GUI都唔用為榮。
叫佢做o野，成日一大堆理論。話咁做唔得，咁做又唔啱規矩，永遠俾唔到答案。我行我素，唔理application team想點，鍾意隨意亂改啲security同database settings。有起事，慢十拍。話之你system死，人急我唔急，永遠call唔到。data modeling又唔幫手，個system performance差又話係application design o既問題。
DBA叫價好高，好多公司都冇閑錢請一個。DBA個role都係support或developer兼任。
=============================================
開發員/軟件工程師/系統建築師(Developer/Software Engineer/System Architect)
鐵鎚兄講o既你係programmer。programmer可以話係pure做programming，行內人會叫dup石仔，係將design spec上o既logic轉化為一堆code o既高手。一個超級programmer，真係有啲似Matrix入面啲人，可以好快係上萬行o既source code海入面，搵出所要o既module同點de個bug。
而小弟想講o既係好似堅兄咁出色o既developer(或者Software Engineer)。programmer同developer有啲分別，programmer比較純programming，而developer就要兼顧development life-cycle o既其他o野。project開波，當然要攞requirement，如果個project冇BA，senior developer要requirement都攞埋。到system analysis & design，當然唔可以小o左developer個份。出到technical design之餘，仲要refine個estimation。有啲唔生鏽o既PM，成日quote個鬼死咁少o既estimation俾user，真係累死啲developer。好多時搞到啲數左衾右衾，暪天過海。到coding，有啲冇QA team o既project，senior developer係要QA啲junior o既code。system build多數要senior developer做埋，對啲冇試過就check-in o既人真係恨之入骨。如果個system有翻咁上吓大，十萬個project parallel行緊。十個筒一個蓋，做environment management都幾頭痕。testing時睇實個testing environment唔在講，啲tester多數對個system一知半解，testing時啲BA多數失o左蹤，揍tester o既重任就交o左俾developer。implementation多數係weekend，如果個project係global，等如要等埋美國收工先可以做，一個大好星期六就咁冇o左。implementation後，又要post-implementation support。如果個project係有New Zealand、澳洲份，就唔該你零晨四點返公司support。
一個出色o既developer可以話文武雙全，十八般武藝皆精，coding又得，寫document又點，去support又得，做coordination又點。一啲senior o既developer如果唔轉做BA或PM，好多時會升o左做architect。system architect同建築師差唔多，都係oversee成個system(building)。不過architect唔單只管一個system，佢會consider唔同system o既partitioning and interfacing，俾advice俾啲developer，同埋make一啲high level o既design decision。當system有啲麻煩o既問題(特別係performance issue)，architect就會挺身而出，把問題擺平。
=============================================
項目經理(Project Manager)
PM o既職責緊係揹起個project。理論上project所有頭暈身興、東瓜豆腐都係入PM數，同啲問責高官冇分別(有起事可以瀉落啲細或程序出錯，有鑊可以唔上身)。當個project細，好多時PM會撈埋BA同埋QA，做個啊四咁。當個project大，PM淨係做planning同coordination，反而會輕鬆啲。
PM o既座佑銘係一字記之曰「卒」，卒到人做o野就係一個好PM，一個成功o既PM可以卒到任何人做o野。唔同PM卒人做o野各施各法。有啲PM鍾意每隔五分鐘催一次，煩到你唔準時交課唔得。有啲PM會凶你，甚至捩橫折曲，escalate俾你老細，總之迫你搞點啲o野。有啲PM鍾意同你講耶穌，利誘你，話你o既contribution有幾重要，上層幾睇個project。如果你想紮，就好快手啲啦。又有啲PM鍾意同人懶friend，有起事以為拍吓膊頭就搞點。成功o既PM可以靈活運用以上o既方法，卒到人做o野之餘又keep到個好o既relationship，做PM真係一種藝術。
software其實仲有好多工種，今日講住咁多，留待他日繼續…
延伸閱讀
大鐵鎚 - IT, 程式員, 工程師
資訊科技及通訊業資歷架構
如鐵鎚兄所言，其實可以大分software同hardware(或者engineer)。小弟做開software，對engin o個邊真係唔熟，對engin o既career path一知半解，都係小講小錯。至於software，小弟浸淫了一段時間，對software略知一二，等小弟班門弄斧，獻醜獻醜。
software其實可以分工好細，排明不分先後:-
業務分析員(Business Analyst)
好似棉花姐咁，主要工作係幫user搵啲業務上o既問題同埋提供解決o既辦法，係business同ITo既一道橋樑。有新project o既時候，同user吹完一大輪水後，寫spec (requirement/functional specification)俾啲developer去跟。如果遇著user太忙，份spec好多時都係BA作出黎。UAT o既時候，陪啲user試。好多時啲user都唔肯試，都係講個「信」字，叫BA自己試。就萛肯試，都係係咁咦，始終都係要BA試哂。
一個好o既BA，一定要同user有良好o既關係，所以同user social係必收科。因為經常接觸user，而係人o既習慣係事無大小，熟邊個就搵邊個。當system有問題o既時候，BA有好多時係要做埋客席support。 做BA最緊要識走位。遇著啲燥狂o既user，當佢心情唔好o既時候，如果BA唔知定搵user，真係送上門俾人鬧。
有啲BA有鋪癮，鍾意睇埋code，好hand-on。不過好多都係齋睇齋吹，對technical都係一知半解，去到有事都係靠啲developer去救。 又有啲BA吹自己好technical，鍾意寫spec時寫到好technical，同做埋technical design冇分別。但係好多時諗o既o野都好門面，淨係諗啲short-cut又唔理會影響成個system o既flow同performance。technical design都係搵啲專業人仕做啦。
=============================================
資料庫管理員(Database Adminstrator)
一個不食人間煙火o既位，同啲network佬一樣，可以叫做IT中o既古墓派。每日o既工作就係咁咦mon吓database有冇爆碟，做吓backup同restore。做o既o野極其technical，以有GUI都唔用為榮。
叫佢做o野，成日一大堆理論。話咁做唔得，咁做又唔啱規矩，永遠俾唔到答案。我行我素，唔理application team想點，鍾意隨意亂改啲security同database settings。有起事，慢十拍。話之你system死，人急我唔急，永遠call唔到。data modeling又唔幫手，個system performance差又話係application design o既問題。
DBA叫價好高，好多公司都冇閑錢請一個。DBA個role都係support或developer兼任。
=============================================
開發員/軟件工程師/系統建築師(Developer/Software Engineer/System Architect)
鐵鎚兄講o既你係programmer。programmer可以話係pure做programming，行內人會叫dup石仔，係將design spec上o既logic轉化為一堆code o既高手。一個超級programmer，真係有啲似Matrix入面啲人，可以好快係上萬行o既source code海入面，搵出所要o既module同點de個bug。
而小弟想講o既係好似堅兄咁出色o既developer(或者Software Engineer)。programmer同developer有啲分別，programmer比較純programming，而developer就要兼顧development life-cycle o既其他o野。project開波，當然要攞requirement，如果個project冇BA，senior developer要requirement都攞埋。到system analysis & design，當然唔可以小o左developer個份。出到technical design之餘，仲要refine個estimation。有啲唔生鏽o既PM，成日quote個鬼死咁少o既estimation俾user，真係累死啲developer。好多時搞到啲數左衾右衾，暪天過海。到coding，有啲冇QA team o既project，senior developer係要QA啲junior o既code。system build多數要senior developer做埋，對啲冇試過就check-in o既人真係恨之入骨。如果個system有翻咁上吓大，十萬個project parallel行緊。十個筒一個蓋，做environment management都幾頭痕。testing時睇實個testing environment唔在講，啲tester多數對個system一知半解，testing時啲BA多數失o左蹤，揍tester o既重任就交o左俾developer。implementation多數係weekend，如果個project係global，等如要等埋美國收工先可以做，一個大好星期六就咁冇o左。implementation後，又要post-implementation support。如果個project係有New Zealand、澳洲份，就唔該你零晨四點返公司support。
一個出色o既developer可以話文武雙全，十八般武藝皆精，coding又得，寫document又點，去support又得，做coordination又點。一啲senior o既developer如果唔轉做BA或PM，好多時會升o左做architect。system architect同建築師差唔多，都係oversee成個system(building)。不過architect唔單只管一個system，佢會consider唔同system o既partitioning and interfacing，俾advice俾啲developer，同埋make一啲high level o既design decision。當system有啲麻煩o既問題(特別係performance issue)，architect就會挺身而出，把問題擺平。
=============================================
項目經理(Project Manager)
PM o既職責緊係揹起個project。理論上project所有頭暈身興、東瓜豆腐都係入PM數，同啲問責高官冇分別(有起事可以瀉落啲細或程序出錯，有鑊可以唔上身)。當個project細，好多時PM會撈埋BA同埋QA，做個啊四咁。當個project大，PM淨係做planning同coordination，反而會輕鬆啲。
PM o既座佑銘係一字記之曰「卒」，卒到人做o野就係一個好PM，一個成功o既PM可以卒到任何人做o野。唔同PM卒人做o野各施各法。有啲PM鍾意每隔五分鐘催一次，煩到你唔準時交課唔得。有啲PM會凶你，甚至捩橫折曲，escalate俾你老細，總之迫你搞點啲o野。有啲PM鍾意同你講耶穌，利誘你，話你o既contribution有幾重要，上層幾睇個project。如果你想紮，就好快手啲啦。又有啲PM鍾意同人懶friend，有起事以為拍吓膊頭就搞點。成功o既PM可以靈活運用以上o既方法，卒到人做o野之餘又keep到個好o既relationship，做PM真係一種藝術。
software其實仲有好多工種，今日講住咁多，留待他日繼續…
延伸閱讀
大鐵鎚 - IT, 程式員, 工程師
資訊科技及通訊業資歷架構
Subscribe to:
Posts (Atom)
