其實我仲係唔係扑客？

一個月都冇一個post，出親都係啲人講都爛哂o既topic…我諗我真唔係扑客。

Anyway, Merry X'mas and Happy New Year!!

定期賣地

自從定性「八萬五」為一個弊政後，「定期賣地」就畀人打入冷宮，取而代之係「勾地表」。但係「勾地表」擺明唔work︰一、「勾地表」冇乜透明度，冇人知咩價先可以勾到塊地。就算勾到，都可能俾其他人投o左，勾地o既incentive大減。二、如果冇人勾地，可以成年冇地供應。政府冇得調節土地供應，主動權去哂地產商到。而家政府好似隻冇牙老虎(不留都係)，政府想用調節土地供應間接調控樓價，no way。

政府可以「定期賣地」增加或者減少土地供應去調控樓價。點解唔可以重提「定期賣地」？「定期賣地」有乜問題？唔好話畀我聽「定期賣地」等如「八萬五」，要政治正確，就唔可以提「定期賣地」。除o左官商勾結之外，真係諗唔到有乜理由…

又，時移勢易，行o左「高地價」咁多年，大家都知道再行落去，係死路一條。雖然老董曾經想反轉佢，不過眼高手低，賴o左o野。吸取上次o既教訓，其實可唔可以做得聰明啲，冇咁多反彈呢？如果梁生真係做o左下任特首，可能會行呢條舊路。到o個時，真係唔該佢唔好老董時期咁眼高手低啦。

放假

放o左區俱俱一日假o者，都可以搞到七國咁亂。啲人再係咁玩卸膊，玩失蹤，遲早爆大鑊。真係要放個長假，等佢地再冇借口推卸責任，可以自動波揹翻自己o既責任，make一啲佢地應該make o既decision。

o徒時間

又話一齊影相，又話搵邊個做model，又話去邊到影，每次傾都係佢最興奮。點知大家都做哂research，confirm哂個plan，up哂頭去馬o個時，佢居然連部機都冇。好啦，冇都冇問題，即買即玩都ok啦。話同佢去買機，佢o既態度就180度變哂，又之之助助，又話忙冇時間睇，又話諗吓先…同哩啲人一齊，真係o徒時間。

想死…

又話去中環影相…十二點打畀佢，四點都重係屋企…影晏晝變o左影日落，想死…

錢從可來

真係唔明…

我條o靚，廿o靚歲仔點解可以又供樓，又養車，仲要搞緊結婚…

唔通佢份糧仲多過我？！哎…如果係咁，真係唔知點搵窿捐…

Stand by Me

學燦兄話齋，真係好耐冇咁正又touching o既廣告歌。

延伸閱讀
我係燦嫂老公 - 維他奶 - Stand by Me

心都o翕…

四十大限將至，重未上岸o既我，真係有啲前路茫茫…

伸延閱讀
港燦 - 廠長
Money Cafe - 探戈

霸者心中無聖域

第九章亞姆立札

看到這番演變，萊因哈特不由得大聲嚷道：「畢典菲爾特失敗了！王爾古雷太早發射，剛好成了敵人炮擊的靶心！」
奧貝斯坦也失去了冷靜，他那原就青白的臉色，仿若彗星的餘光掠過……
回答的聲音也顯得有氣無力了。
「閣下原先是期待藉他的手來奠定勝利吧……」
將畢典菲爾特大軍引入零距離射程範圍內的同盟軍第十三艦隊，無情地進行破壞和殺戮的行動。磁力炮所發射的超硬度鋼炮彈穿裂了戰艦的裝甲，核融合榴散彈和光子彈的爆炸，將艦內的戰鬥人員連同王爾古雷變成微粒子塵埃。
有色彩和無色彩的閃光交互映現，一時之間，地獄的鬼門關大開，士兵們一批接一批地跨足而過。
畢典菲爾特引以為傲的「黑色槍騎兵」，其黑色也變成屍衣的顏色了。
這時通訊兵轉頭向萊因哈特報告道：「閣下！畢典菲爾特提督發出緊急求救訊號要求增派援軍！」
「援軍？」
金髮的年輕元帥回答的聲音甚是尖銳，通訊兵嚇得退縮一旁。
「是的！他們要求援軍。畢典菲爾特提督說依目前的戰況推算，我方略遜一籌。」
萊因哈特的軍靴重重地踏下，發出巨響。
「他以為我有那種可以變出艦隊來的神燈嗎？」
萊因哈特大發雷霆，但轉瞬之間，又強行克制了怒火，身為最高司令官是不得不時時保持冷靜的。
「傳令給畢典菲爾特！總司令部沒有多餘的兵力，若從其它戰線抽調兵力則會使我軍戰線全面崩潰！要他保持現有兵力，死守到底，善盡一個軍人該盡的責任！」
過了一會，萊因哈特打破沉默，重行下令：「從現在開始，切斷和畢典菲爾特的通信，以免敵人從旁探知我軍的窘境！」
奧貝斯坦緊緊盯著把視線再度落在屏幕上的萊因哈特。
頭髮半白的參謀長認為，萊因哈特的處置非常冷酷，但也很正確。不過，他能否對每一個人都平等的下這樣的命令呢？一位霸者的心中是不可以有聖域存在的……

邊個話事事旦旦o架？！

潘蔚林，做得好！！

中產你的名字叫窮人

(星島日報 報道)在今年的財政預算案中，社會普遍人都覺得對市民的幫助不大；其中中產階級的幫助更是少之又少。到底在香港甚麼人才算是中產階級呢？我暫且在此下個定義 ──中產階級是一群受過良好教育，擁有知識技能或專業資格和被大眾認同而又有穩定的職業。所以中產階級是社會主流的價值觀及最穩定的中堅力量。

　　步入貧窮 比誰都快

　　驟眼看，中產人士穿的都是名牌，以私家車代步，好像活在一個無憂無慮的世界，但其實那只是表面風光，他們的個人生活並沒有你和我想像的美好，特別是在今日物價飛漲，但薪金卻永遠停步的年代。沒有人比他們更快步入貧窮邊緣。

　　每到發薪日，薪金有一大部分會不翼而飛。車和住屋的供款、父母的家用、保險、MPF，如果有子女的話，子女的學費、生活費等……剩餘的錢不知要存多少年才足夠成為做老闆的資金。在全球經濟變差的今日，活在富裕與安定中的中產正是逐漸消失的一群。

　　凍薪減薪或被裁

　　經濟衰退時，中產才是社會中被忽略的一群。自從金融海嘯後，○八年第四季全球多處經濟出現萎縮，香港亦不能幸免。單以○九年三月的港產品出口貨量為例，比○八年同期下跌百分之三十九點八。面對不景氣，公司普遍會凍薪或減薪，有些更會裁員。先說被減薪的中產，如果只是減薪一成，相比失業的人，心中也應感到萬幸，今季的通脹壓力比之前稍為紓緩，以今年首四個月合併計算，綜合消費物價指數較去年前同期上升百分之一點四，但生活成本的下降迅速遠不及中產的薪水。以燃油價格為例，油公司的加快減慢政策，已叫人心寒，當然這不是唯一的例子；航空公司不還是在收取燃油附加費嗎？生活怎會不困苦。失業的中產所承受的壓力就更大，失去了收入的來源，就得依賴之前累積的資產。

　　可惜金融海嘯令中產的身家大縮水，減少了五成也算是很好成績。那麼再找工作吧，但就業市場惡化的情況已明顯蔓延至各階層及行業，今年二月至四月的失業率升至百分之五點三。政府推出了很多就業政策，幫助市民找到工作，但措施主要集中於低技術工種，對中產的支援實在不多。

　　如果你的收入能夠逆市上升的話，恭喜你，經濟委縮就與你絕緣。反之，不想成為新貧階級一員，揣摩抗跌及資產增值之道就是時下中產費盡腦汁的任務，不要期待政府打救，請大家將目光放於全球，讓每一塊錢得到最大的效益。共勉！朱兆麟

　　青年民建聯 成員

http://hk.news.yahoo.com/article/090704/3/d12g.html

《「六四」是怎樣一回事?》

蔣必蠢

巾幗做完，小弟再唔使晚晚追劇，可以有翻啲時間寫吓扑。

巾幗入面最多人講o既緊係四奶奶、柴九、大奶奶、甚至係必文o個個敗家仔…反而小弟最有同感o既係二仔-蔣必蠢。

最深刻係太平天國佔領o左無錫，大奶奶假稱敗家仔必文自立門戶，但係不善經營，爭人五百擔白米，要求必正出手相救。係大奶奶誓言成擔一切後果，聲淚俱下苦苦哀求底下，必正出於一時o既婦人之仁，就咁答應o左大奶奶。

第二日，彭鏗收到線報帶人搜查，搜到大奶奶一早預備o既五百擔白米，以私藏白米罪捉拿四奶奶同必正。要知道係太平天國統治下，私藏白米係死罪。哩個鑊係必正闖o既，四奶奶其實可以乜都唔理，將啲罪名推哂落必正到，由得必正自己去孭。不過，四奶奶有擔帶，幫必正孭埋個鑊，以奉蔣老闆o既遺命為借口，成功脫罪，否則真係閤家富貴…

小弟睇蔣必蠢o個一段o既時候，不自覺對自己有少許投射。小弟自問無乜鬥心，只想做好哩份工，但係唔知點解每日都要同好多牛鬼蛇神對決，一不留神或者有半點惻忍之心就畀人冼到灘灘腰。好似老妖怪事件咁，小弟一個婦人之仁o既決定，即刻泥足深陷，差啲鑄成大錯…

其實職場如戰場，做好人雖然真係有好多人respect。但係有起事上來，都係先隊啲好人去死。小弟衰在有少少義氣，又有少少同情心，就永遠注定要被人食住…有時好想鐵了心腸，但係o個個就唔係自己，真係好矛盾…

害人之心不可有，防人之心不可無。好似四奶奶咁，成日要維持清醒戒備o既狀態，已經不易。係攻防戰中，保持對敵人o既尊重得來，又要技術擊倒對手，真係難上加難。蔣必蠢要去到四奶奶個層次，真係長路漫漫…

屋漏偏逢連夜雨

海嘯未去，又有一隻人傳人o既豬流感爆發。而家o既情況，真係好似當年科網爆破後再有SARS咁。小弟真係唔希望烏鴉口講中，不過各位巴打真係要有最壞o既打萛。

延伸閱讀
星島 - 新型豬流感 專殺年輕人
星島 - 加發旅遊預警 港關注疫情
星島 - 袁國勇警告：港抗疫藥物不足

永遠懷念

繼伍晃榮之後，阿叔又走埋，又多一個好朋友離開o左我地，真係有啲依依不捨。講時講，伍晃榮同阿叔都係退休冇耐就走o左。究竟係check到身體開始有啲問題，先毅然退休？定係因為退o左休，冇o左寄託，所以先身體轉差？如果係咁，真係有啲怕公司要我提早退休…

伸延閱讀
星島 - 著名足球評述員林尚義逝世

天地有正氣

上訴庭終於還小股民一個公道，否決電盈私有化真係大快人心。不過，又有啲擔心香港o既法律制度會向民粹主義傾斜，真係等出o左判詞先再回應啦！

伸延閱讀
明報 - [新聞]上訴庭否決電盈私有化

管理新鮮人

最近，大口兄同計數兄都係佢地o既blog入面講一啲管理層o既感受， 小弟不約而同，係工作上都有類似o既挑戰。

自從老闆要上位，小弟就被迫要頂埋老闆o個份，工作真係繁重o左好多。好多以前同撈同煲o既兄弟，而家變成上司下屬o既關係，小弟從此夾係老闆同兄弟中間，成為佢地o既傳聲桶。老闆對小弟o既期望好大，兄弟又想小弟幫佢地fight多啲o野，左右做人難，真係有口難言。作為管理新鮮人o既小弟，工作成日碰壁，真係有啲力有不從心o既感覺。

小弟有一個心魔，好想hands-on。老闆都有warn我，我哩個位係負責幫啲細o既執屎，越做上去，執o既屎越多。好玩o既o野，應該留畀啲細做。小弟睇o既應該係成team人o既成功，個人o既榮辱唔該你擺埋一邊…哩一點小弟都好明…老闆又係到吹水。不過，吹水還吹水，吹完唔好咁認真。有啲o野佢自己當年都做唔來，一有起事來，老闆又捉住哩個point係到起勢捽我，真係想死。

老闆好鍾意講empowerment，佢成日話自己最成功o既就係上年消失o左兩個月，個team都work as usual。 佢又鍾意講，佢以後就係我o既客，要小弟manage佢…不過，佢又好鍾意，係其他人到接好多冇value o既job返來。你同佢say no，佢就話要同人地搞好啲關係。佢又好鍾意bypass我直接assign啲task畀啲細o既做。同佢講翻，佢話冇下次，下次咪又故態復萌 ，真係講一套做一套…

新丁o既小弟其實對「管理」真係心有千千結…

對啲不時魂遊太虛gen-y o既下屬，點可以令佢專心工作？
對啲o野o野都好似有特權老屎忽o既下屬，點可以可以叫佢地立個好榜樣畀啲細o既睇？
對啲每事問o既下屬，點可以做好enpowerment？
對啲「食o野唔做o野，做o野打爛o野」o既同事，點可以唔使o野o野幫佢補鑊？
對老闆啲不切實際o既要求，點可以陽奉陰違？

有冇網友有可分享吓自己o既心得，可以畀小弟從中偷吓師呢？

伸延閱讀
大口仔筆記 - 新一頁
活在中層 - 管人學問
活在中層 - 管人學問(2)

好文分享 - Money Cafe: 雙城奇謀

「金融中心的特色，其實就是排他性，即所謂Winner take all，資金只會在同一時區，流到最活躍、交投量最高的一個市場。」

「另一個說法是，香港要不被上海趕過，必需要加快與珠三角加強合作，認為「珠三角行動綱領」是香港最後機會。」

「雙城奇謀，根本不存在互助互補，有的只是你死我亡。」

香港人重唔面對現實，放下身段，加快同珠三角融合，否則真係死路一條…

延伸閱讀
Money Cafe - 雙城奇謀

真係吹水唔沬咀，咁講完重有friend做？！

黃sir係自己o既column話，有個friend同老公有感情問題，問佢攞advice。點知黃sir居然直接話人地係「大難臨頭各自飛」o個種人，而個friend又居然唔發火走人，重可以好冷靜咁聽埋黃sir o既解釋。邊有人(特別係女人)接受到人地話佢係無情無義o架，咁講完重有friend做？！今次黃sir真係吹水唔沬咀，個故仔作得好冇質素…

點都好，其實個故仔講出o左好多人妻、同準人妻港女o既心態，結婚都係為o左搵張長期飯票，自己o既committment係0。所謂財政獨立，只係唔肯孭起頭家o既借口。當個男人事業有o左阻滯，財政出現問題，個女o既第一時間唔係去諗點同個男人一齊孭，而係去同個男劃清界線，當結婚係「投資」，好似好理性咁去「cut loss」，結婚o既committment真係唔知去o左邊…港女呀，港女呀，你自己真係好自為之！

伸延閱讀
黃毅力 CEO實戰手記：長途伴侶

laughing哥之死

同場加映，laughing哥之死亡筆記

大時代過山車系列‧三十 ╴嚇死人

兩日跌60%，真係叫啲股東比死更難受…

港女講男

其實個節目都講得好白吓，男理女文，各有所長。係哩個時下以服務性行業主導o既香港，重文輕理係大勢所趨，啲男仔搵錢少過女仔真係好平常。如果啲女仔硬要揀個搵錢多過佢o既男仔，咁只會令「鴿洞問題」惡化，令單身中、熟女人數不斷增加。

又，才子講港男沈迷網路，缺乏社交能力。其實男有宅男，女有宅女同干物女，缺乏社交能力不分男女，點可以入哂男仔o既數…

又又，個節目帶出個好重要o既信息，唔好話溝女，其實做人自信同承擔真係好緊要，偏偏好多香港男仔兩者都欠奉(啲港女都係一擔擔)。諗深層，香港教育真係幾失敗，只係識搞啲一生一體藝，兩文三語，最基本o既o野反而教唔到，真係將啲錢倒落咸水海好過…

P.S. 小弟大鄉里，重未去過Maid Cafe，有冇網友可以帶小弟去見識吓？

延伸閱讀

星期日檔案 - 港女講男

講不出聲

$37重好地地，去到處$33菁姐就成個人呆o左，o野都唔識講…



一日跌24%，神呀！請救救獅子吧！

伸延閱讀
星島 - 匯控低位33元收市挫24%

港男講女

哈哈，好鬼一面倒喎…啲女仔真係好鬼「港女」，好好笑。真係好想下一集快啲有得睇。





伸延閱讀
星期日檔案 - 港男講女

晴天pig leg - 2!!

真係痛心疾首…Knight一就request佢地write off o左HFC，o個時好有guts，話之你唱歌o架。前幾日，咪死死地氣去求人供股，啲尊嚴去o左邊。

可以做得咁差，Green同Geoghegan真係難辭其咎。

伸延閱讀
明報 - 匯控盈利跌7成大折讓供股
明報 - 葛霖：但願沒收購美國業務

晴天pig leg！！

真係好失望…一向好有前瞻性，務實o既匯豐管理層，最後都向現實屈服，大幅削減派息，甚至可能要供股集資。

明天就係匯控全年業績公報o既大日子，各位請擔定張凳仔，霸定個頭位，睇好戲上演。

伸延閱讀
星島 - 滙控傳破紀錄供股1300億元
明報 - 「4供1」 呼聲高

醒吓啦，香港人！！

如果好似文匯咁講，有啲後生仔真係有啲大想頭。

想講個真人真事o既故仔，希望啲後生仔聽完有啲得著。想當年亞洲金融風暴，好多人浮人於事。我有個讀科大BBA o既friend，成績唔差，但係一畢業想搵份似樣啲o既工都冇，坐o左幾個月，最後局住去做一份要返shift o既CS，一做做o左成年…一個名牌大學o既大學生，要做一份form 5要求o既CS工，一般人會放pai，日蒲夜蒲，玩o左就萛。而我個friend就係過段時間，日鋤夜鋤咁多份CPA o既paper。一年後，佢入o左其中一間big four，而家已經係一間上市公司o既FC啦。

某程度佢係有啲好彩，如果佢揀o既path唔係audit，係其他專業，可能重係捱緊。不過，如果佢唔係咁識諗，可能佢重係兜兜轉轉，有排都上唔到岸…小弟想講o既係人o既路係自己行出來，所謂「英雄莫問出處」，如果你係有料，只要鬥心夠強，捱過哩個浪，就大把機會等你來。

共勉之。

伸延閱讀
文匯報 - 實習開價8千元 港生「未睡醒」

趕客呀！「主播天下」淨翻兩條麻甩佬係道！！

報平安 ‧二

二月十三日-陰

小弟重有工開，重要忙到踢哂腳。

傳言滿天飛，啲人話過到今個禮拜，都可能過唔到今個月…願主保佑。

趁火打劫

補加評稅？！有冇搞錯？！收完又收，當我提款機呀！！金融海嘯，重要畀稅局趁火打劫，真係想死…

大時代過山車系列‧二十九 ╴熱錢

之前提過熱錢大量流入，國際炒家大炒特炒港股。踏入09年，時勢逆轉，近排港元對美元已經失去強勢，開始逐級而落，美匯去到7.760水平，熱錢開始流出，借美金炒港股o既carry trade有拆倉之勢。除非熱錢回流，港股好可能會係低位繼續徘徊。

市民？！

哈哈，發哥係普通香港「市民」，真係「不偏不倚」喎。

兩、三皮一個月？！

「基本上，一個具備10年工作經驗的Trader，月薪應該會有2萬元至3萬元，而且需求不少…」

做細行trader，朝8晚8，日日打足12個鐘，冇得hea。又要考試，孭鑊，畀客小。做足10年都係兩、三皮一個月…係真唔係嘛？咁o既待遇真係重有人入行？！

延伸閱讀
中環博客 - 辛苦有代價

大時代過山車系列‧二十八 ╴血肉長城…

上次，大笨象係收市前被大鱷出動13球搶高，今日歷史重演，不過係揤低，大鱷出動15球揤低大笨象，揤低4毫半。不過今次o既成本細好多，7億半就夠。



伸延閱讀
大時代過山車系列‧二十五 ╴回光反照…

攞景？！

雷曼事件後，證監終於做o野，打頭炮係以「問我」為題o既廣告。不過，又係一貫o既老調，係咁宣傳投資者教育。係而家咁o既時勢，重提投資者負任，真係有攞景之嫌…

好文分享 - 陶冬: 財政擴張政策對盈利拉動不大

「中國上一輪經濟快速發展依靠的是出口、投資、消費、地產以及經濟結構升級帶來的生產力提高五駕馬車，現在只剩下財政擴張一匹馬，即使力量很強大，也難以和五匹馬匹敵。 中國經濟過去五年保持了兩位數增長，但這種高增長是依靠兩個超級因素拉動，第一個是WTO，中國成為世界加工廠，經常項目順差大幅度上升；第二個是城鎮化房地產熱，帶動了50多個產業飛躍性的發展。目前，這兩個超級因素不復存在，在新的超級因素出現之前，中國經濟在世界格局中也難有大作為。」

「香港會受到金融海嘯非常嚴重的打擊，而且最壞的時候還沒有到來，從香港基本面來講是不錯的，香港銀行並沒有買太多與次貸相關的資產，因此他們的資本金是穩健的，但是香港是一個小的開放型經濟，又以金融業為支柱產業，全球經濟衰退，一定會給香港帶來重大的影響，香港經濟衰退已經不可避免。

香港會出現經濟衰退主要有三個原因，一是金融海嘯之後帶來的信貸全面收縮，銀行明顯惜貸，二是全球金融海嘯對出口、旅遊業的影響很大，對於依賴外向型經濟的香港會帶來非常嚴重的衝擊，三是中國經濟本身也面臨非常嚴重的下滑，目前香港實體經濟與中國經濟之間的關連度越來越強，中國實體經濟不景會給香港帶來進一步影響。此外，房地產調整、失業率大幅上升會令內需急劇收縮，外部環境的惡化將會演變成內外交困的情況。 」

只要小心分析吓而家o既經濟狀況，就好易睇穿「牛一」已來臨，定係只係曇花一現o既「小陽春」…

延伸閱讀
陶冬 - 財政擴張政策對盈利拉動不大

再談金融業

之前講開5號仔，直覺話畀我聽，環球金融業會今非昔比。琴日大口兄提出金融界正面融政府干預同民粹主義抬頭o既問題。

係一個奉行資本主義自由市場o既香港，政府干預同民粹主義當然係有一個大問題。但逆向思考，當世界各國政府都罔顧道德風險，國有化有問題o既銀行，係唔係其實自由市場(芝加哥學派)o既潮流已經完結，凱恩斯學派開始抬頭？如果係咁，本港銀行而家為o左維護自己o既利益，選擇同政府對著干係唔係一個明智o既決定，真係值得令人深思。

再推遠啲，當凱恩斯抬頭o既時候，政府干預會比以前多好多，首當並衝，金融業生存o既空間會大大減少。當金融業o既經營環境唔同o左，自由度減低o既時候，係唔係雖要重新估計金融業o既營利能力？

延伸閱讀
0005
大口仔筆記 - 減息救市？
明報 - 銀行拒減息 匯豐﹕明年方考慮 港貼現窗大減1厘 任總籲向企業「放水」
星島 - 銀行顧自保　推遲打補針