Bad money drives out good - Epilogue

上回提到，歲晚已到，又係洗牌o既時候。人望高處，良幣自問條件好，又不屑與劣幣為伍。當offer在手，B仔又到手，良幣好自然靜極思動，另投他處。而劣幣們當然只好繼續留低，物以類聚，來個「劣幣驅逐良幣」。但年尾爆出個次按風暴，「劣幣驅逐良幣」o既定律隨之改寫。

其實唔係年尾走出一個次按風暴，今年一定延續上年o既升勢，人工B仔三級跳。過去已成過去，個市由十一月起180度大轉向，加人工B仔險些成砲影。小弟身在大鱷遊樂場中，也難免被次按巨浪所困擾。大鱷們業績由屢創新高變成見紅，由積極擴張變成裁員。而小弟o既鋪號，也凍結人頭、持盈保泰。小弟心想各大鋪號裁員聲四起，高層們應順勢而行，來個大龍鳳。當小弟還估緊邊個被祭旗o既時候，劣幣居然自動消失，出走另一鋪號！劣幣被逐，大快人心，看似乎是高層們的背後發功。點都好，劣幣好歹也搵到個好歸宿，小弟在此都祝佢(特別係新鋪)好運。

諗深層，劣幣是大家的安全網、明燈。劣幣一走，安全網也隨之消失。所謂「養兵千日，用在一朝」，劣幣已經完成佢o既「歷史任務」。如市場再度惡化，下一步被祭旗o既就是小弟這些無黨無派o既小鵪鶉 。小弟當務之急，都係盡快找出新o既明燈，以「此」為鑑，希望可以係哩個大時代活命自保。願主保祐。

經典對話(2)

扭眼瞓
=====
小公主:我都話唔食b仔囉。
大朋友:頭先搭車你都話ok架。
小公主:(發脾氣)人地眼都擘唔大啦，仲食乜o野糖水呀！人地扭眼瞓，得唔得呀?
大朋友:(無奈)好啦好啦，唔食啦唔食啦...

豪華團
=====
大朋友:行多一陣就到啦。
小公主:行o左成半個鐘(其實四個字)，又冇得抖。
大朋友:去旅行係咁架啦。行o左一陣啫，行多一個街口就到啦。 你平時shopping一行就成幾個鐘，你又冇投訴。
小公主:(發脾氣)點同啫！唔行啦，唔行啦！以後冇豪華團唔好預我！
大朋友:(無奈)咁抖一陣先啦...

大時代過山車系列‧十二╴ 洗倉

經典對話

元宵
=====
小公主:你做乜聽日(元宵)同班friend去睇戲?
大朋友:一早話o左俾你聽啦。上星期咪啱啱過完情人節，又同uncle做生日。
小公主:(發脾氣)聽日係中國情人節喎?(做人男朋友o既應該reserve聽日俾你女朋友。)
大朋友:(發悔氣)仲好講，上年平安夜捉o左我去同你老豆食(晚)飯，乜你都重視d節日o既咩?
小公主:...

街坊look
=====
大朋友:你出o左門口未?
小公主:仲攪緊個妝，今日唔係好上妝…(下刪三千字)
大朋友:(有d慶)即係又要我等啦！又唔係去見人(去樓下買d o野)，唔化妝街坊look都得啦！
小公主:(發脾氣)唔得！我係公主黎個喎(時時都要keep住個靚look)，同你應該就曬我！
大朋友:(發悔氣)我就街坊look啦。咁同我行街，你係唔係有失身份呀?
小公主:...

On9