好書推介 - 《金融圈内》&《金融圈内2》

睇完蔡東豪o既《金錢之王2》，講及對沖基金基金經理點投資有道，年尾可以分幾球花紅，令人趨之若鶩；扭轉乾坤，彈指間支配市場，令人大開眼界。但係交易操作(操盤)o既心得同手法就隻字不提(可能因為筆者都唔係內行人)，會唔會有啲到喉唔到肺o既感覺？一個如假包換o既基金經理錢志健寫o既《金融圈内》&《金融圈内2》可令你窺探一二。

書中，錢sir講述對沖基金點樣控制投資回報，提出用期權對沖避險o既方法同技巧。 佢成日掛佢自己操盤o既原則: -

「順勢而行，長短均可，風險控制，量力而為。」

係口邊。 一個散戶如果可以做到錢sir所講o既減少交易次數，睇準長線時機，放棄短線買賣，睇唔通就唔好落注，利用長短倉去捕捉趨勢，嚴守止蝕，唔好做過份o既槓桿，咁你o既投資心法就可以達到到基金經理o既水平(不過，當然唔代表你可以賺到錢，因為你都未有基金經理o既投資技巧)。

有趣o既係，唔好話number，錢sir從來唔會係佢信報o既專欄入面畀個一隻港股o既意見。佢講得最多o既係佢o既美股模擬投資組合，好似做Blackberry o既RIM同Google咁o既美股。係充斥即食文化，吓吓講number o既財金專欄世界，佢o既專欄咁都仲有讀者，唔使摺，真係沙漠清泉，誠意推介！

延伸閱讀
錢志健 - 投資看人生

唔使驚，阿爺係大廳！

母公司孭起中信泰富Accumulator

http://hk.news.yahoo.com/article/081112/3/97l4.html

玩到咁大，你問可以點收科？！

立法會通過特權法查雷曼
http://hk.news.yahoo.com/article/081112/4/97de.html

Money Cafe - 少數人的暴政
http://moneycafe-icable.blogspot.com/2008/11/blog-post_13.html

2630

希望可以了結哩啲沒完沒了o既鬥爭，放低包袱，重新上路。

陳水扁囚衣編號2630
http://hk.news.yahoo.com/article/081112/3/974t.html

有其子必有其父

貸款兩大股東 電盈「買起自己」

http://hk.news.yahoo.com/article/081105/4/93am.html

李嘉誠兩日共增持和電國際２０２３萬股，持股量增至６６﹒４７％

http://hk.news.yahoo.com/article/081028/9/8ybn.html

和電國際（０２３３２）宣布派發特別息每股７元

http://hk.news.yahoo.com/article/081112/9/976a.html

Money Cafe - 明醒佢!

http://moneycafe-icable.blogspot.com/2008/11/blog-post_9269.html

好書推介 -《地產經紀之生存筆記》

筆者阿勞，現職地產經紀，以行內人身份筆錄地產經紀鮮為人知o既一面。書中，公開地產行業o既生態，發展商推售新盤o既矛招，同一啲樓宇買賣租賃o既須知，趣味央然。

本書真材實料，唔會好似其他樓書咁，攞啲係網上面一搵就有o既資料，例如分區屋苑，樓齡等，加上去濫竽充數(上網自己搵仲update啦)。明明百頁紙，就充到二百幾頁，真係搵笨。或者好似教科書咁，全書formula同圖。又懶中立，全書冇立場，真係悶死。

本書資訊趣味並重，講發展商o個part猶其到肉，絕對值得推介！

大時代過山車系列‧二十七 ╴繼續炒…

個市一口氣由10,000反彈上14,000，今日終於企唔穩，一係唔回，一回就成1,000點。



同場加映，港元對美元依然強勢，維持係7.75o既兌換保證上限，熱錢大量流入。



HIBOR都經回落到6月o既水平，1個月o既做緊1.34%。各大錢莊應該已經水沈，奇就奇在P始終keep住係5.25%，一啲都唔肯減， 唔通啲錢莊特登開綠燈畀啲國際大炒家繼續炒。一日唔減P，睇來個市都會大上大落啦…