Monday, December 29, 2008

好文分享 - 星島: 滙豐股東 痛心又動心

「細看滙豐走勢,自○三年沙士後,該股總體升勢不及恒生指數,最先是因為港股大升,主要受惠於內地高速增長,業務國際化的滙豐無法直接得益;其後則是次按問題開始浮現,聰明錢開始捨滙豐而去,所以雖然不少散戶樂於追捧,但卻出現股價在大牛市中蝸步前行的現象。」

「美國金融海嘯正面襲擊歐美金融機構,滙豐在惡浪撲擊下仍能屹立不倒,已算管理層技勝同儕,然後美英分別入股當地主要銀行,同時推出全面的存款保險制,此舉立即令到大量金融機構國有化,本來期望「執死雞」的滙豐,不但無法在危機中吸引資金流入,反而變成面對有國家資本撐腰的同業競爭。」

而家真係一個匯控轉折期。一個決策性失誤,匯控錯失發展新興市場o既大好機會,令股價畀子公司恆生從後追趕上。金融海嘯後,面對有國家撐腰o既同業競爭,匯控前境續漸趨暗淡… 匯控神話不再,定係轉危為機,真係要拭目以待。

延伸閱讀

Thursday, December 25, 2008

估唔到聖誕o既第一宗惡號,係日本AV女神 - 飯島愛過身o既事件…

帶畀好多三十同四十世代o既宅男好多美好回憶o既飯島愛出道於92年。想當年VCD機未普遍,好多人都係借錄影帶先可以「面聖」。而當年小弟年紀尚小,未有資格去「了解」女神,只可以係BBS上睇一啲圖片,望梅止渴。真正接觸女神卻係佢「卒業」後,回顧佢o既VCD先可以窺探女神o既「真面貌」。

十年光景己過,女神已成功轉型一個出書、又上綜藝節目o既才女。佢o既自傳《柏拉圖式性愛》更一度拍成電影同電視劇,成為一時o既佳話。佢標誌住一個AV轉型演藝界o既成功例子,成為好多後來投身AV界女仔o既目標同理想。好景不常,女神係07年因疾病同精神困擾退出演藝界,今日更傳出佢o既死訊,一個AV巨星的殞落,真令人嘆息不已。

願女神早日安息,早登極樂。

伸延閱讀
明報 - 飯島愛死因待驗屍確定
明報 - 屍身發臭揭發飯島愛身亡
Wikipedia - 飯島愛

Wednesday, December 24, 2008

大朋友的聖誕節

話說今年聖誕,繼生日要同佢啲auntie一齊打邊爐,情人節要同爺爺做生日後,小公主又挑戰大朋友o既底線…新挑戰係,佢要同一班好姊妹去Xmas party,而抌低大朋友食自己。

大朋友其實份人都冇乜所謂,都唔介意小公主自己去玩,反正大朋友都可以call齊班friend去老蘭酒店朝聖,各自各精彩。如果可以撞到如張小姐咁o既青春可仁,熱情膨拜,玩得又啜得o既內地交換生,可能有意外o既收獲添。

一如以往出去偷食,為免變掛,大朋友先confirm小公主出o左門口,然後至去call friend出發。當大朋友正想call friend o既時候,突然又收到小公主來電。大朋友心諗︰「Oh! Shit!唔通今次又泡湯…」,只好收拾心情覆小公主,但係聽到o既只係時時沙沙聲,好似部手機係個袋到浪吓浪吓咁。大朋友心諗︰「傻妹緊係又唔記得lock機,唔知點解打翻畀我。」。大朋友正想收線之際,突然聽到一把男人聲(?!)同小公主係到傾計。「乜唔係同啲姊妹去咩,點解會有把男人聲?」把男人聲正正觸動o左大朋友沈睡已久o既反綠帽機制,大朋友立即豎起仔耳仔聽佢地講乜。唔聽由自何,一聽把幾火。雖然聽得唔好清楚,但都聽到兩個係到卿卿我我,依依泣泣,話去Number 9開meet啲friend,跟住就收o左線。「衰妹居然去偷食!!」,大朋友火上心頭,即刻打翻畀小公主問過夠竟,點知打極都打唔通。大朋友見咁,諗都唔諗,衫都唔換,即刻飛的落中環Galleria去捉姦。

去到Number 9,放低幾百蚊入場。個場大到飛起,人又多到爆,強勁o既音樂震耳欲聾,係舞池o既男女大跳辣身舞,好一個未世派對feel。係一間咁大o既場,搵人如大海撈針。冷靜下來o既大朋友心諗都係Due D走個圈睇吓,再諗吓有乜計可以搵到小公主。

行吓行吓,居然俾大朋友o既眼尾捕捉到一個身型衣著有九成似小公主o既女生背影,而o個個女生已同一個男人摟o左一團,互送熱吻,視周遭其他人而無物。大朋友見到火都來,即刻whe開佢地,正想揮拳相向o既時候,見到個女生一啲都唔似小公主,重有幾分似張小姐。死火認錯人添,大朋友即刻灑哂冧,大講對唔住認錯人。人地情到濃時搞住哂,換來o既只係問候祖宗十八代,冇俾人打一身,已經係執到。

行o左幾個圈都冇料到,大朋友懷住失落o既心情走出Number 9,正想回家再諗計之際,收到小公主o既來電,︰「食緊飯,重乜搵得佢咁急?」。大朋友唔知點解甩o左嘴︰「乜你唔係Number 9咩?!」。「重咩係Number 9,都話去o左Intercon食飯囉!!」,小公主話:「頭先搭地鐵好迫,都聽唔到電話,打翻畀你,你又唔聽。」。大朋友望一望自己o既手機,真係又兩個miss call喎。「講起Number 9,頭先有對狗男女,係我身邊依依泣泣。你知啦,架死人地鐵咁鬼迫,好心就唔好係到依泣啦。我想走都走唔甩,迫我聽哂佢地啲肉麻對白。佢地就係話去Number 9 meet啲friend囉。係喎Number 9係邊o架?點解你知o既?」。

真相已經大白,反綠帽機制隨之解開,大朋友如釋重負。大朋友心諗自己走去偷食,重要懷疑小公主,真係要不得。大朋友心中有愧,收o左小公主o既線後,即刻打畀啲friend,cancel o左個operation,留翻係屋企,做翻個宅男(一日咁多),以作補償。

祝聖誕快樂,願有情人終成眷屬!!

Saturday, December 20, 2008

0005



獅子銀行又再插水,今日低見75.45,最後收市企係76.55。上個禮拜仲做緊85樓上,短短幾日又重回海嘯價。

獅子銀行係繼渣兜後,又一隻股票令小弟大跌眼鏡…小弟不得不承認真係低估o左金融海嘯令成個金融業o既影響。去槓桿化,監管收緊,信貸風險大增下,環球銀行業(除中資金融股)o既生態唔同o左。

小弟自作聰明咁認為最有實力、應付危機能力最佳o既強者會吞併其他飽受財困o既金融機構,得以坐享其成,稱霸天下。但意識唔到環球金融機構之間環環緊扣,資產互相持有嚴重,交易對手違約o既可怕。以為可以獨善其身,甚至可以乘機坐大o既金融機構,至今都係動彈不得,股價插水,供股要錢。

去槓桿化,監管收緊,令非利息收入大減;再加上環球減息潮,令利息收入收縮,銀行打後o既利潤唔會好樂觀。

好!又學到o野,學費抵畀!

伸延閱讀
大口仔筆記 - 匯控大跌

Thursday, December 11, 2008

2976

渣打供股,食之無味(供出來o既係碎股),棄之可惜(股權大幅攤薄)。當小弟正愁供唔供股之際,港交戶將供股權掛牌(冧巴2976),真係來得正好,可以諗吓計,計吓數,睇吓可以點樣輸少啲。

而家供股權價44.4,正股價93.95,股權價45.11,如果手頭上有四手,想照keep翻佢。假設買賣佣金100,供股手續費250,除權後股價

(93.95 x 91 + 45.11 x 30) / (91 + 30)
= 81.84

,可以有三個option去玩︰—

一﹑ exercise,除權後賣正股碎股
(81.84 - 45.11) x 65 - 100 - 250
= 36.73 x 65 - 100 - 250
= 2037.45 (未計買碎股o既premium)

二﹑唔exercise,賣option
45.11 x 65 - 100
= 2832.15 (未計賣碎股o既premium)

三﹑arbitrage個option,賣正股,買option
93.95 x 200 - 44.4 x 135 - 45.11 x 200 - 200 - 250
= 18790 - 5994 - 9022 - 200 - 250
= 3324 (未計買碎股o既premium)

延伸閱讀
discuss.com - 關於2888供股幾問
渣打供股書

Wednesday, December 3, 2008

報平安 ‧一

十二月三日-晴

小弟暫時仲有工開。

今個禮拜,又有一個同事「自願離職」。祝佢前程錦繡。